22:50 / 29.07.2020
2 531

Sudlar faoliyati yanada ixtisoslashtirildi

Sudlar faoliyati yanada ixtisoslashtirildi
O‘zbekiston Respublikasi Prezidentining 2020 yil 24 iyul kuni qabul qilingan PF-6034-sonli “Sudlar faoliyatini yanada takomillashtirish va odil sudlov samaradorligini oshirishga doir qo‘shimcha chora-tadbirlar to‘g‘risida”gi tarixiy Farmoni mamlakatimizda sud-xuquq sohasini yanada takomillashtirish va bu sohada olib borilayotgan islohatlarni yanada chuqurlashtirish maqsadini ko‘zda tutudi.

Bugungi kunda mamlakatimizda yashayotgan turli millat vakillari, ayniqsa tadbirkorlarning xuquq va qonuniy manfaatlarini himoya qilishga xizmat qiladi. Har bir fuqaro irqi, millati, dini, e’tiqodi va ijtimoiy kelib chiqishidan qat’i nazar sud himoyasi bilan ta’minlanishi kafolatlanishi lozim.

So‘nggi yillarda sud-huquq sohasida yo‘l qo‘yilayotgan kamchiliklarni bartaraf etish, sud organlarining amaldagi tuzilishini hozirgi davr talablari asosida, shuningdek xalqaro huquqning umume’tirof etilgan tamoyillariga rioya qilgan holda qayta ko‘rib chiqish, mavjud muammolarni hal etish zaruriyati mazkur Farmonning asosiy maqsadlaridan biri bo‘lib hisoblanadi.

Bu Farmon butun mamlakatimizda sud-huquq sohasida o‘tkazilayotgan islohatlarni izchil amalga oshirish, fuqarolarning sud idoralariga bo‘lgan ishonchini yuksaltirish, sudda ishlarni ko‘rish sifatini oshirish hamda adolatli va qonuniy sud qarorlarini qabul qilish uchun taraflarning tengligi va tortishuvchanligini amalda ta’minlash mexanizmini amaliyotga tatbiq qilishga xizmat qiladi.

Jinoyat ishlari bo‘yicha Navoiy viloyat
Xatirchi tuman sudining raisi
S.B.Bo‘tayev

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Sudlar faoliyati yanada ixtisoslashtirildi