1 921
Ekspert: «Koronavirusga chalingan, yondosh kasalliklari bo‘lmagan ayollarda umuman o‘lim holatlari kuzatilmagan»
Sog‘liqni saqlash vazirligi boshqarmasi boshlig‘i Barno Abdusamadovaning ma’lum qilishicha, koronavirusga chalingan, yondosh kasalliklari bo‘lmagan ayollarda umuman o‘lim holatlari kuzatilmagan.
«Koronavirusga chalinganlar orasida homilador ayollar ham uchrab turibdi. Hozirgi kunga qadar 2,5 mingdan ortiq homilador ayol karantin nazoratiga olingan bo‘lsa, ularning 234 nafarida koronavirus infeksiyasi tasdiqlangan.
COVID-19 infeksiyasini yuqtirgan homilador ayollarning 120 nafari sog‘ayib, uyiga ruxsat berilgan. Ming afsuslar bo‘lsinki, kasallikka chalinganlarning 2,9 foizi o‘lim bilan tugagan. Bu biz uchun juda mudhish holat.
Homilador ayollarning qaysi kontingentida o‘lim holati ko‘proq yuz berganiga to‘xtaladigan bo‘lsak, 2,9 foizning ichida oddiy homiladorlikda koro navirus yuqtirilganda kasallik og‘ir kechmaydi. Homilador ayol homilasini lozim darajada parvarishlashni davom ettirsa, sanitariya-gigiyena qoidalariga rioya qilsa, jarayon yengil o‘tadi», deydi Barno Abdusamadova.
Uning qo‘shimcha qilishicha, homiladorlar o‘rtasida o‘lim holatlari ko‘proq hamroh kasalliklari bor bemorlarda kuzatilmoqda.
«Semizlikning ikkinchi, uchinchi darajasi, yurak-qon tomir yetishmovchiligi, nafas tizimi kasalliklari, buyrak kasalliklari o‘limga sabab bo‘lishi mumkin. Lekin tajribada hamda JSST izlanishlarida faqat koronavirusga chalingan, yondosh kasalliklari bo‘lmagan ayollarda umuman o‘lim holatlari kuzatilmagan.
Hozirgi vaqtda, ya’ni karantin davrida homilador ayollarning uylaridan imkon qadar tashqariga chiqishlari man etiladi. Chunki agar homiladorda fiziologik jarayon kechayotgan bo‘lsa, mutaxassislar ularga ko‘chaga chiqib, odamlar ko‘p to‘planadigan joylarga borishlari taqiqlanadi», deydi Barno Abdusamadova.
SSV 29 iyul kuni Toshkentda ikkinchi farzandiga homilador bo‘lgan 22 yoshli ayol koronavirusdan vafot etganini ma’lum qilgan, biroq o‘lim aynan qaysi sanada ro‘y berganini ochiqlanmagan.
Bunga qadar ham koronavirusga chalingan bir qancha homilador ayollarning vafot etgani haqida xabar berilgan.
Sog‘liqni saqlash vaziri o‘rinbosari Elmira Bositxonova 8 iyul kuni AOKA huzuridagi shtabda o‘tkazilgan matbuot anjumanida O‘zbekistonda shu vaqtgacha 208 nafar homilador ayolda koronavirus aniqlanganini ma’lum qilgan edi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
“Roma” Shomurodov uchun yana 8 million yevro xarajat qiladi!
Pnevmatik qurollarni o‘z ixtiyori bilan topshirganlar javobgarlikdan ozod etiladi
Messining salkam 1 million dollarga sotilgan salfetkasi haqida
Shimoliy Koreya yangi ko‘rsatkichlarga ega ballistik raketani sinovdan o‘tkazdi
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?
Jizzaxda uchta yuk mashinasi ishtirokida YTH sodir bo‘ldi
Ukraina prezidenti mahbuslarni safarbar qilish to‘g‘risidagi qonunni imzoladi