Kusherboyev: "Ayrim «krutoy» sud’yalar o‘z harakatlari bilan adolatli hamkasblarini yomonotliqlar qatoriga qo‘shishi mumkin"

Ijtimoiy tarmoqlarda jurnalistning Mirobod tumani jinoyat ishlari bo‘yicha sudining ochiq sudiga kiritilmagani aks etgan videolar tarqaldi. Mazkur xabarlarga deputat Rasul Kusherboyev o‘z munosabatini bildirdi.

«Sudlar ochiqlik tamoyiliga rioya etmas ekan, adolatli sud haqidagi fikrlar shubha ostida qolaveradi.
Ochiqlikdan qo‘rqadigan, ochiqlik talabiga oid qonunlarga bo‘ysunmaydigan "krutoy" sud’yalar bu harakatlari bilan halol vijdonan va adolatli sud’ya hamkasblarini ham »hammang bir go‘rsan", degan yomonotliqlar qatoriga qo‘shib qo‘yishlari mumkinligini tushunib yetishlari kerak. Agar ishing qonuniy va adolatga tayangan bo‘lsa nimadan qo‘rqasan", deydi deputat. “Zamin”ni Telegramʻda oʻqing!