4 745
O‘zbek telekanalida ekspert kalta paypoq kiyish besoqolbozlik belgisi ekanligini aytdi
Kadr: Telegram
«O‘zbekiston» telekanali orqali efirga uzatiladigan «Munosabat» ijtimoiy-siyosiy dasturining navbatdagi sonida ekspertlar o‘zbek jamiyatida yoshlarning kiyinishini keskin tanqid qildi.
Ekspertlar o‘zbek xalqining o‘z tarixiy merosi — milliy kiyimlari bo‘lishiga qaramay, yoshlar yirtiq jinsilarda yurganini ta’kidlab o‘tgan.
«Yoshlarimiz yirtiq-yamoq kiyimlar kiyib yuradi. Buning tarixiga nazar tashlash kerak. Yirtiq-yamoq qayerdan kelib chiqdi? Qadimda Rimda yashovchi lotin qabilasi bo‘lgan. U qabila jamiyat nafratiga uchragan. Ota-onasi la’natlaganlar alohida belgida bo‘lishi uchun yirtiq-yamoq kiyib yurishgan. Yoki Hindistondagi chandallar ham tug‘ilganidan yirtiq-yamoq kiyib yurgan», — deydi Respublika Ma’naviyat va ma’rifat markazi bo‘lim boshlig‘i Mansur Musayev.
Rimda cho‘chqani qurbonlik qiluvchi altarlar bo‘lgan. Cho‘chqa o‘zining axlatini yaxshi yeyishi uchun labini shishirishgan. Hozir qizlarimiz lablarini boteks qildirmoqda, degan u o‘z mulohazalarini bildirib.
O‘zbekiston xalq artisti Yodgor Sa’diyev ham kiyim masalasida o‘z munosabatini bildirib o‘tgan: «Televizorda ko‘rdim. Kiyingan, ‘babochka’ taqqan. Shimi yirtiq, oyog‘ida paypog‘i yo‘q. Tufli bilan o‘tiribdi. Ertalabki ma’naviy-ma’rifiy ko‘rsatuvda», — deydi aktyor.
U, shuningdek, ko‘rsatuv payti ingliz tilida tug‘ilgan kun tabrigi aytilganiga ensasi qotganini ta’kidlagan.
Mansur Musayev Yevropada kalta paypoq va ajralib turuvchi soch turmagi noan’anaviy jinsiy oriyentatsiya vakillarining ramzi ekanligini aytib o‘tgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Shoygu Ukraina dronlariga qarshi qo‘llaniladigan yangi vositalar bilan tanishdi
Moskvada Ukrainadan tortib olingan NATO harbiy texnikalari ko‘rgazmasi o‘tkazildi
Toshkent viloyatida ekologiya inspektorlari hujumga uchradi
Shavkat Mirziyoyev: Jahonda investorlar uchun mislsiz kurash ketyapti
Buxoroda yodgorliklarni ta’mirlashga ajratilgan 3,3 mlrd so‘m talon-toroj qilindi
Organizmda gormonlar bilan bog‘liq muammo borligini bildiradigan simptomlar
Taniqli aktyor va rejissyor Mashrab Kimsanov 69 yoshida vafot etdi