2 803
"Chiroqchi va Andijondagi qiynoqlar ichki ishlar organlari nomiga ketmas dog‘ tushirdi"
O‘zbekiston Respublikasi bosh prokurorining birinchi o‘rinbosari Abduxalim Xolmahmatov raisligida «Respublikada jinoyatchilikning oldini olish va unga qarshi kurashish samaradorligini oshirish»ga bag‘ishlangan yig‘ilish bo‘lib o‘tdi.
Onlayn tarzda o‘tkazilgan yig‘ilishda Ichki ishlar vazirining birinchi o‘rinbosari Sh.Sobirov, Mahalla va oilani qo‘llab-quvvatlash vazirining birinchi o‘rinbosari G.Murufova, tegishli boshqarmalar boshliqlari hamda viloyatlar va ularga tenglashtirilgan prokurorlarning soha bo‘yicha o‘rinbosarlari, tuman (shahar) prokurorlari va ichki ishlar bo‘limlari boshliqlari, Mahalla va oilani qo‘llab-quvvatlash boshqarmalari boshliqlari ishtirok etdi.
«Yig‘ilishda bosh prokurorning birinchi o‘rinbosari A.Xolmahmatov ma’ruza qilib, hozirgi kunning dolzarb va og‘riqli, davlatimiz rahbari va xalqimizning asosli noroziligiga sabab bo‘layotgan muammo – huquqni muhofaza qiluvchi idoralar hodimlari tomonidan fuqarolarga tazyiq o‘tkazish, urish – do‘pposlash, qiynoqqa solish va boshqa shafqatsiz, g‘ayriinsoniy yoki qadr-qimmatni kamsituvchi harakatlar sodir etilishiga chek qo‘yilmayotganiga alohida to‘xtaldi.
Chiroqchi tumani va Andijon shahrida ichki ishlar xodimlari tomonidan fuqarolar urib, kaltaklanib, qiynoqqa solinishi oqibatida vafot etgani ichki ishlar organlarining, qolaversa butun huquqni muhofaza qiluvchi idoralarning nomiga ketmas dog‘ tushishiga sababchi bo‘layotgani ta’kidlandi.
Bundan tashqari, yig‘ilishda jinoyatlarni ro‘yxatga olish, jinoyatlarni fosh etish va tezkor qidiruv tadbirlari o‘z vaqtida va to‘laqonli olib borilishi, huquqbuzarliklarning oldini olish, bu borada prokuror nazoratiga tanqidiy munosabat bildirilgan.
Faoliyatda yo‘l qo‘yilgan kamchiliklar yuzasidan hududiy rahbar va mas’ul xodimlarning izoh va tushuntirishlari eshitildi», deb xabar bermoqda Bosh prokuraturaning Huquqiy targ‘ibot va jamoatchilik bilan aloqalar bo‘limi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
«Samarqand — Toshkent — Samarqand” yo‘nalishida qo‘shimcha poyezdlar harakatlanadi
Sun’iy intellekt qadimgi yunon faylasufi Platonning qabrini topdi
Ukraina yaradorlar bilan qanday muomala qilayotgani ma’lum qilindi
Ekspert: G‘arb Rossiya g‘alabasidan keyin quvg‘indagi Ukraina hukumatini yaratishi mumkin
Chempionlar ligasi 1/2 final. “Borussiya D” o‘z maydonida “PSJ”ni kichik hisobda mag‘lub etdi
Mask Ukraina va AQSH o‘rtasidagi muzokaralarni bir so‘z bilan ta’rifladi
Netanyahu HAMASga qarshi operatsiyani yakunlashdan bosh tortdi