23:00 / 06.03.2021
850

Qidiruvdagi ota topilibi, jazoga tortildi

Qidiruvdagi ota topilibi, jazoga tortildi
Fuqarolik ishlari bo‘yicha Zarbdor tumanlararo sudining ijro hujjatiga asosan qarzdor X.Bdan undiruvchi R.Dning foydasiga ikki nafar farzandlarining moddiy ta’minoti uchun oylik ish haqi va boshqa daromadlarining uchdan bir qismi miqdorida aliment undirish belgilangan.

Mazkur ijro hujjati Majburiy ijro byurosi Urganch shahar bo‘limi ish yurituviga kelib tushgan va ijro ishi yuritish qo‘zg‘atilgan.
Qarzdor X.Bning mol-mulkini aniqlash maqsadida tegishli davlat idoralariga so‘rov xatlari yuborilgan bo‘lib, unga ko‘ra qarzdor nomiga rasmiylashtirilgan mol-mulklar aniqlanmagan.

Ijro harakatlari davomida qarzdor bir necha marta ogohlantirishlarga qaramasdan anchadan buyon to‘lamay kelayotganligi aniqlandi. Uning aliment qarzdorligi hisob-kitob qilinganda bugungi kun holatiga 18 mln. 246 ming so‘m qarzdorligi mavjud.

Qarzdor X.Bdan aliment qarzdorligini undirish imkoni bo‘lmaganligi sababli, unga nisbatan to‘plangan hujjatlar O‘zbekiston Respublikasi Ma’muriy javobgarlik to‘g‘risidagi Kodeksning 47(4)-moddasi 1-qismiga asosan ma’muriy javobgarlik masalasini ko‘rishlik uchun jinoyat ishlari bo‘yicha Urganch shahar sudiga yuborilib, mazkur sudning qarori bilan qarzdorga nisbatan qamoq jazosi tayinlangan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Qidiruvdagi ota topilibi, jazoga tortildi