Foto: Milliy mass-mediani qo‘llab-quvvatlash va rivojlantirish jamoat fondi
Ayni paytda tadbirkorlar va ishbilarmonlar harakati – O‘zbekiston Liberal-demokratik partiyasining Kongres-xollida bo‘lib o‘tayotgan X qurultoyida O‘zbekiston Prezidentligiga nomzodi tavsiya etilgan Shavkat Mirziyoyev nutq so‘zlamoqda. Bu haqda «Daryo» xabar bermoqda.
- "Hurmatli s’ezd delegatlari. Muhtaram vatandoshlar.
Avvalo, tadbirkorlar va ishbilarmonlar harakati – O‘zbekiston Liberal-demokratik partiyasining mamlakatimiz hayotida muhim voqea bo‘lgan bugungi s’ezdida ishtirok etayotganimdan, barchangizni mana shunday ko‘tarinki kayfiyatda ko‘rib turganimdan g‘oyat mamnunman.
Sizlar bilan partiyamiz tashkil etilgan kundan boshlab barcha masalalarda hamfikr bo‘lib, hayot oldimizga qo‘yayotgan dolzarb vazifalarni birgalikda samarali bajarib kelmoqdamiz.
Yurtimiz siyosiy maydonida katta nufuzga ega bo‘lgan, O‘zbekiston Liberal-demokratik partiyasi s’ezdining siz, hurmatli delegatlari va faollari menga yuksak ishonch bildirib, O‘zbekiston Prezidenti lavozimiga, nomzodimni ko‘rsatganingizni behad qadrlayman.
Bu men uchun yuksak sharaf va ayni paytda ulkan mas’uliyat ekanini yurak-yurakdan his etmoqdaman.
Bundan besh yil oldin men partiyamiz minbaridan o‘z saylovoldi dasturimni e’lon qilgan edim. Ushbu dasturda davlat va jamiyatimizni yanada isloh qilish, fuqarolarimizning hayotiy muammolarini hal etish va orzu-umidlarini ro‘yobga chiqarishni oliy maqsad etib belgilagan edik.
Besh yil mobaynida aholi farovonligini ta’minlash va uning kelajakka bo‘lgan ishonchini mustahkamlash borasida nimalarga erishdik? Qanday marralarni egalladik? Kamchiliklar nimalardan iborat bo‘ldi?
Dasturimizdagi ezgu maqsadlarni hayotga to‘liq tatbiq etish uchun, 2017–2021 yillarda mamlakatni rivojlantirishning 5 ta ustuvor yo‘nalishi bo‘yicha Harakatlar strategiyasini qabul qildik. Uning doirasida 300 ga yaqin qonun, 4 mingdan ziyod Prezident farmoni va qarori qabul qilindi.
Qisqa davrda mamlakatimizda yangilanishlar nafasi kirib bormagan birorta soha va tarmoq, shahar va tuman, qishloq va mahalla qolmadi, desam, ayni haqiqatdir.
Shu borada bir fikrni alohida ta’kidlab aytishni istardim: bugungi kunda davlatimiz inson uchun, xalq uchun ochildi. Xalq bilan bevosita muloqot qilish, uning dard-u tashvishlari, muammolarini ijobiy hal etish bo‘yicha mutlaqo yangi tizim yaratdik.
Davlat tashkilotlari ish faoliyatida mahallaga tushish, xalq ichiga kirish, uning dardiga quloq solish, tashvishiga sherik bo‘lish va muammolarni joyida hal etish tamoyillari asosiy mezonga aylandi", - dedi Shavkat Mirziyoyev. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Toshkentdan Chorvoqqa avtobus qatnovi boshlandi
Orol dengizi bo‘yida mobil aloqa va internet tarmog‘i ishga tushirildi
YECHL. “Bavariya” va “Real” o‘rtasidagi dastlabki uchrashuvda jangovar durang qayd etildi
O‘zboshimchalik bilan qurilgan noqonuniy qurilmalar uzoqqa bormaydi
Prezident Olimpiadaga yo‘llanma olgan futbolchilarga tabrik yo‘lladi
Osiyo kubogi: O‘zbekistonning g‘alabasiga xorijdan qanday munosabat bo‘lmoqda?
Green Card javoblari qachon chiqishi e’lon qilindi