13:03 / 25.09.2021
1 308

Tabiiy ofat tufayli zarar ko‘rgan tadbirkorlar soliqlardan ozod etiladi

Tabiiy ofat tufayli zarar ko‘rgan tadbirkorlar soliqlardan ozod etiladi
Oliy Majlis Qonunchilik palatasining navbatdagi majlisida deputatlar “O‘zbekiston Respublikasining Soliq kodeksiga qo‘shimchalar kiritish to‘g‘risida”gi qonun loyihasini birinchi o‘qishda ko‘rib chiqdilar.

Ta’kidlanganidek, qonun loyihasi bilan Sirdaryo viloyatining Sardoba, Oqoltin va Mirzaobod tumanlarida favqulodda hodisa oqibatida zarar ko‘rgan baliqchilik, chorvachilik va parrandachilik xo‘jaliklari 2020 yil 1 maydan 2022 yil 1 noyabrga qadar yer va mol-mulk soliqlarini to‘lashdan ozod etilishi belgilanyapti.

Shuningdek, loyihada Surxondaryo viloyati bo‘yicha Bandixon, Qiziriq, Muzrabot va Sherobod tumanlarida yangidan tashkil etgan holda shu hududlarda faoliyat ko‘rsatadigan tadbirkorlik sub’ektlari 2024 yil 1 yanvarga qadar yer solig‘i, mol-mulk solig‘i, aylanmadan olinadigan soliq va yakka tartibdagi tadbirkorlar uchun daromad solig‘ini to‘lashdan ozod qilish nazarda tutilmoqda.

Qayd etilganidek, mamlakatimizning tabiiy ofatlar natijasida katta zarar ko‘rgan hududlardagi tadbirkorlarni qo‘llab-quvvatlash hamda ayrim yerlari sho‘rlangan hududlarda yashovchi fuqarolarga soliq to‘lovlaridan yengilliklar yaratib berish orqali mazkur hududda yashovchi fuqarolarni qo‘llab-quvvatlash, aholi turmush darajasini yaxshilashga turtki bo‘ladi.

Deputatlar ta’kidlashicha, mazkur qonun loyihasining qabul qilinishi tadbirkorlik sub’ektlari va aholi orasida normativ-huquqiy hujjatlar har xil talqin qilinishining oldini olishga, xorijiy investorlarni jalb qilishga, tadbirkorlik muhiti jozibadorligining oshishiga xizmat qiladi.

Majlisda qonun loyihasi deputatlar tomonidan birinchi o‘qishda konseptual jihatdan qabul qilindi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Tabiiy ofat tufayli zarar ko‘rgan tadbirkorlar soliqlardan ozod etiladi