Toshkent—Buxoro—Toshkent yo‘nalishi bo‘yicha yangi «Afrosiyob» poyezdi qatnovi yo‘lga qo‘yiladi

«O‘zbekiston temir yo‘llari» AJ tomonidan 2021 yil 13 noyabrdan boshlab Toshkent—Buxoro—Toshkent yo‘nalishida 770/769-sonli «Afrosiyob» zamonaviy poyezdlarining qatnovi yo‘lga qo‘yiladi. Bu haqda «O‘ztemir yo‘lyo‘lovchi» AJ matbuot xizmati xabar berdi.

Qatnovlar haftaning shanba, yakshanba kunlari amalga oshiriladi. Harakat jadvaliga ko‘ra shanba va yakshanba kunlari ertalab soat 09:02 da Toshkent markaziy temir yo‘l vokzalidan harakatini amalga oshiradigan 770-sonli «Afrosiyob» zamonaviy poyezdi Samarqand, Navoiy temir yo‘l vokzallarida ham to‘xtab o‘tib, soat 12:47 da Buxoro-1 temir yo‘l vokzaliga yetib boradi.

Shuningdek, 769-sonli «Afrosiyob» zamonaviy poyezdi ushbu kunlarda soat 15:02 da Buxoro-1 temir yo‘l vokzalidan harakatini amalga oshirib, soat 18:50 da Toshkent markaziy temir yo‘l vokzaliga kirib keladi.

Bugungi kunda qatnovini amalga oshirayotgan «Afrosiyob» zamonaviy poyezdlari esa o‘z harakat jadvali bo‘yicha harakatlanadi. “Zamin” yangiliklarini “Vkontakti”da kuzatib boring