3 nafar sudya lavozimidan ozod etildi

^{Foto: Kommersant’}
Sudyalar oliy kengashi matbuot xizmatining xabar berishicha, Kengashning joriy yil 14 va 15 fevraldagi qarorlariga ko‘ra:

- Andijon viloyati JIB Andijon shahar sudining raisi – Rustamjon Turginov yozma arizasiga binoan;
- Samarqand viloyati JIB Jomboy tuman sudining raisi – Mamayusub Sheryigitov yozma arizasiga binoan;
- Buxoro viloyati sudining fuqarolik ishlari bo‘yicha sudyasi – Sherzod Ne’matov sudyalik qasamyodini buzgani uchun lavozimidan ozod etilib, vakolatlari muddatidan ilgari tugatilgan.

Bundan tashqari, mas’uliyatsizligi va faoliyatida yo‘l qo‘ygan kamchiliklari uchun:
- Xorazm viloyati JIB Xonqa tuman sudining raisi – Mehribon Hasanova;
- Navoiy viloyati FIB Karmana tumanlararo sudining raisi – Sherali Tog‘ayev intizomiy javobgarlikka tortilgan. “Zamin” yangiliklarini “Odnoklassniki”da kuzatib boring