Shavkat Mirziyoyev ko‘p qavatli uyga solingan mural unga yoqqanini aytdi

^{Foto: «Daryo» / Ma’murjon Obrahmatov}
Prezident Shavkat Mirziyoyev poytaxtning Yangihayot tumanida joylashgan «Do‘stlik» mahallasiga tashrif buyurgani to‘g‘risida xabar berilgandi. Davlat rahbari mahallani ko‘zdan kechirish vaqtida ko‘p qavatli uyning devoriga chizilgan «Do‘stlik ramzi» muraliga e’tibor qaratgan.

«Nega hammayoqqa shunday qilmaysizlar? Bu mural ham odamning kayfiyatiga ijobiy ta’sir qiladi», — degan prezident mas’ullarga.

Shavkat Mirziyoyev mas’ullardan bu kabi murallar qachondan boshlanganini so‘ragan. Toshkent shahar hokimi Jahongir Ortiqxo‘jayev bu turdagi devoriy murallar 2021 yilning bahoridan chizila boshlanganini ta’kidlagan. «Do‘stlik ramzi» muralining mualifi Hasan Maycheyev.

«Bir rassom chizib berishini aytdi va bu muralni chizdi», — deydi hokim.

Ma’lumot uchun, Mural-art bu – zamonaviy ko‘cha san’ati bo‘lib, bunda polotno vazifasini ko‘p qavatli bino devorlari bajaradi. “Zamin” yangiliklarini “Twitter”da kuzatib boring