Ukrainadagi oʻzbekistonliklar evakuatsiyasi doirasida Polshaning Katovitse shahridan uchgan uchinchi reysda 12 nafar bir yoshgacha boʻlgan goʻdaklar bilan birga jami 253 nafar fuqaro bor edi. Bu bilan «Uzbekistan Airways» yordamida Ukrainadan kelgan oʻzbekistonliklar soni 762 nafarni tashkil etdi. «Xabar.uz» ijodiy guruhi yoʻlovchilar bilan suhbatlashdi.
Yurtdoshlarimiz Oʻzbekiston hukumatining tezkor yordamidan minnatdor ekanliklarini takror-takror tilga olishdi. Ular urush hududidan chiqishlari oson kechmaganini ta'kidlashdi. Urush yaratgan qiyinchiliklar Oʻzbekistonning Ukrainadagi va Polshadagi elchixonalari sa'y-harakati bilan engilgani alohida urgʻulandi.
«Endi Oʻzbekistondan hech qayoqqa chiqmayman», — dedi fargʻonalik Shahnozaxon Turgʻunova koʻzda yosh bilan. — «Prezidentimizning umri uzoq boʻlsin. Biz Xarkov shahrida edik. Portlaganda oynalar sinib, bolalar chirqillab qolishdi. Bolalarga salyut otilyapti, dedik. Yangi yilda salyutni koʻrgan edilar. Uch kun podvalda yotdik. Eb, ichganimiz, hammasi shu erda boʻldi. Bangʻillab otilgani zahoti erga yotib olamiz...»
Ayolning kechinmalari va safardoshlari aytganlari bilan videolavhada tanishing.
Ukraina1 O‘zbekistonliklar evakuatsiyasi1 Uchinchi reys1 Polsha1 Tezkor yordam1 O‘zbekiston hukumati1 Rossiya va Ukraina urushi
“Zamin” yangiliklarini “Telegram”da kuzatib boring 
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
