Migratsiya agentligi Rossiyada ishlayotgan o‘zbekistonlik mehnat muhojirlariga murojaat bilan chiqdi

^{Foto: «RIA Novosti»}
Tashqi mehnat migratsiyasi agentligi Rossiyada vaqtinchalik mehnat faoliyatini amalga oshirayotgan o‘zbekistonlik mehnat muhojirlariga murojaat bilan chiqdi.

Agentlik Rossiyadagi mehnat migrantlaridan huquqi va qonuniy manfaatlari buzilsa, ish beruvchi tomonidan hujjatlari olib qo‘yilsa, kompensatsiya to‘lovlari, oylik ish haqi o‘z vaqtida to‘lanmasa, murakkab vaziyatda qolsa, huquqiy maslahatlar yoki boshqa masalalarda muammolar yuzaga kelsa, O‘zbekistonning konsullik muassasalari hamda Tashqi mehnat migratsiyasi agentligining vakolatxonalariga murojaat qilishni so‘ragan.

Ta’kidlanishicha, vakolatxonalar tomonidan mehnatga oid nizolar, xususan, Rossiyaning migratsiya qonunchiligi, ro‘yxatdan o‘tish, bandlik masalalari bo‘yicha maslahatlar berish, O‘zbekiston fuqarolarini ishga yo‘naltirish, ish haqini to‘lamaslik holatlarini hal qilishda ko‘maklashish, majburiy mehnatdan jabrlangan fuqarolarga yordam ko‘rsatish, o‘z vakolatlari doirasida yuridik va huquqiy yordam xizmatlari ko‘rsatiladi.

«Shu munosabat bilan, xorijda ishga joylashtirish vakolatiga ega bo‘lmagan tashkilotlar yoki shaxslarga ishonmaslikka, turli ko‘rinishdagi shartnomalarni tuzmaslikka va to‘lovlarni amalga oshirmaslikka chaqiramiz», — deyiladi agentlik murojaatida.

Tashqi mehnat migratsiyasi agentligining Rossiyadagi vakolatxonalari:

• Moskva shahri — Moskva shahri 1-Kazachiy tor ko‘chasi, 11/2 (Metro Polyanka), +7 (925) 045-47-44;
  
• Sankt-Peterburg shahri — Sankt-Peterburg shahri, 4-Krasnoarmeyskaya ko‘chasi, 4-A uy. O‘zbekistonning Sankt-Peterburg shahridagi Bosh konsulxonasi binosi, +7 (951) 680-95-97;
  
• Yekaterinburg shahri — Yekaterinburg shahri, Karl Libknext ko‘chasi 22-uy, +7 (925) 950-89-77, +7 (922) 186-35-66;
  
• Novosibirsk shahri — Novosibirsk shahri, Lomonosova ko‘chasi, 55-uy, +7 (953) 862-00-07;
  
• Samara shahri — Samara shahri, Novo-Sadovaya ko‘chasi, 3-uy, +7 (917) 872-42-26;
  
• Ufa shahri — Ufa shahri, Verxnetorgovaya maydoni ko‘chasi, 4-uy, 516-ofis, +7 (917) 469-20-88, +7 (347) 216-33-43.
  

Ishonch telefonlari: (71) 202-33-55, (71) 200-00-61 yoki 1282 qisqa raqami. “Zamin” yangiliklarini “Telegram”da kuzatib boring