Shavkat Mirziyoyev: «Hozirgi soliqchilar ikki, uch yoki to‘rt yil avvalgi soliqchilar emas»

Shavkat Mirziyoyev 16 mart kuni Davlat soliq qo‘mitasiga tashrif buyurib, soliq ma’murchiligini isloh qilish va sohaga axborot texnologiyalarini keng joriy etish masalalari yuzasidan yig‘ilish o‘tkazmoqda, deb xabar bermoqda «Daryo» nashri.

Bugun sizlar bilan uchrashishdan maqsad – dunyoqarashlaringizni va soliq ma’muriyatidagi islohotlar haqida eshitmoqchiman. Aslida, bu yig‘ilishni tor doirada o‘tkazishimiz mumkin edi. Lekin u yerda Sherzod Kudbiyevning o‘zi va ikki muovini bo‘lar edi. Men esa bu yerda ko‘proq odamlar bilan gaplashmoqchiman. Chunki hozirgi soliqchilar bu — ikki, uch yoki to‘rt yil avvalgi soliqchilar emas, — deydi prezident.

Shuningdek, davlat rahbari soliq sohasidagi yangiliklarni alohida ta’kidlab o‘tdi.

So‘nggi 5 yilda biz mutlaqo yangi soliq tizimini yaratdik. 2020 yilda ko‘p muhokamalar bo‘lganda ham biz yangi O‘zbekiston boshlanishiga munosib bo‘lgan yangi Soliq kodeksini qabul qildik. 13 tadan 9 taga soliq turlari kamaytirildi. Osmondan olib qilganimiz yo‘q. Sharoitlardan kelib chiqib qildik. Odamlar qachon bizdan rozi bo‘ladi? Soliq yuki kamayib, daromadlarimiz oshsagina, rozi bo‘ladi, — deya qo‘shimcha qildi Shavkat Mirziyoyev. “Zamin” yangiliklarini “Facebook”da kuzatib boring