Samarqandda noqonuniy ravishda oltin qazib olish bilan shug‘ullangan shaxslar ushlandi

^{Foto: Samarqand viloyati IIB}
Samarqand viloyati Paxtachi tumanida oltin qazib olish bilan shug‘ullanganlar aniqlandi, deya xabar qilmoqda viloyat IIB axborot xizmati.

Qayd etilishicha, Davlat xavfsizlik xizmati boshqarmasi hamda viloyat IIB xodimlari hamkorligida tarkibida sof oltin moddasi bo‘lgan ruda toshlarni talon-toroj qilish bilan shug‘ullanuvchi shaxslar qo‘lga olingan.

O‘tkazilgan tezkor tadbir davomida Paxtachi tumanida yashovchi 1984 yilda tug‘ilgan D.A. va 1992 yilda tug‘ilgan B.Sh.ning yashash xonadonlarida noqonuniy ravishda tarkibida oltin moddasi mavjud bo‘lgan taxminan 7,5 tonna ruda toshlar, 4 ta qum tegirmoni hamda 1 ta qum quritish pechi borligi aniqlanib, daliliy ashyo tariqasida hujjatlashtirib olindi.

Hozirda holat yuzasidan tergovga qadar tekshiruv harakatlari olib borilmoqda. “Zamin” yangiliklarini “Facebook”da kuzatib boring