Jahonga mashhur san’atkorlar mutaxassisligi bo‘yicha qaysi soha vakili? (foto)

Oliy ma’lumotga ega mashhurlar muxlislarini ajablantirishi mumkin. Qizig‘i shundaki, universitetda o‘qigan ayrim san’atkorlarning ijodga mutlaqo aloqasi yo‘q. Arxeologiya, psixologiya va hatto biokimyoviy muhandislik — qiziq, shunday emasmi? Mashhurlar aslida qaysi soha bo‘yicha ta’lim olganiga qiziqsangiz, Harper’s Bazaar.kz nashri taqdim etgan ro‘yxat bilan tanishib chiqing.

Koul Sprous

^{Foto: Harper’s Bazaar.kz}
Aktyor Nyu-York universitetining Geografik axborot tizimlari va sun’iy yo‘ldosh tasvirlari fakultetini tamomlagan. Shuningdek, Koul buni asosan, arxeologiya bilan bir xil ekanligini aytib o‘tgan.

Dakota Fanning

^{Foto: Harper’s Bazaar.kz}
Aktrisa Nyu-York universitetining Ayollar tadqiqotlari fakultetini tamomlagan.

Jon Lejend

^{Foto: Harper’s Bazaar.kz}
Ma’lum bo‘lishicha, musiqachi Pensilvaniya universitetida o‘qish uchun Garvard stipendiyasini rad etgan. U 1999 yilda afro-amerikalik adabiyotga e’tibor qaratgan holda ingliz tili bo‘yicha mutaxassislikni tamomlagan.

Eshton Katcher

^{Foto: Harper’s Bazaar.kz}
Aktyor Ayova universitetida biokimyoviy muhandislik diplomini olgan. Eshtonning bunday mutaxassislikda o‘qish qaroriga juda ta’sirli voqea sabab bo‘lgan. U akasining yurak nuqsoni haqida ko‘proq bilishni va uni davolashni istagan.

Yeva Longoriya

^{Foto: Harper’s Bazaar.kz}
Ajablanarlisi shundaki, Longoriya kineziologiya (inson harakatlarini o‘rganadigan fan) bo‘yicha bakalavr darajasini oldi. Keyinchalik u Chikano tadqiqotlari bo‘yicha magistrlik darajasini oldi. Chikanoslar Amerikada istiqomat qilgan meksikaliklardir. Magistr darajasini olish bilan bir qatorda, aktrisa «Umidsiz uy bekalari» teleserialida suratga tushdi.

Natali Portman

^{Foto: Harper’s Bazaar.kz}
«Yulduzli urushlar: Yashirin tahdid» filmida rol o‘ynaganida aktrisa hali ham talaba edi. U Garvard universitetida o‘qigan. 2003 yilda Natali Psixologiya fakultetini tamomlagan. Uning ishi hatto ilmiy jurnallarda chop etilgan.

Kris Martin

^{Foto: Harper’s Bazaar.kz}
Coldplay guruhining yetakchi xonandasi London Universiteti kollejida yunon va lotin tillarida bakalavr darajasini olgan. Aynan o‘sha yerda u guruh a’zolari bilan uchrashdi va to‘satdan ijodda muvaffaqiyatga erishishiga sabab bo‘ldi.

Jerard Batler

^{Foto: Harper’s Bazaar.kz}
Batler Glazgo universitetida huquqshunoslik darajasini olgan. Lekin u doimiy ziyofatlar tufayli tez-tez yuridik amaliyotini o‘tkazib yubordi. Oxir-oqibat u o‘zini aktyorlikka bag‘ishlash uchun 25 yoshida Londonga ko‘chib o‘tdi.

Layonel Richi

^{Foto: Harper’s Bazaar.kz}
Albatta, Layonel Richining musiqasisiz dunyoni tasavvur qilish qiyin. Ammo xonandaning hayoti butunlay boshqacha kechishi mumkin edi, chunki uning asli kasbi iqtisodchi.

Kortni Kardashyan

^{Foto: Harper’s Bazaar.kz}
Universitetni tugatgan Kardashyan oilasining yagona vakili — bu Kortni. Ishonish qiyin, lekin u 2002 yilda teatr san’ati bo‘yicha ta’lim olgan. Ammo u vaqtda Kardashyanlar hali mashhur emas edi.

Dueyn Jonson

^{Foto: Harper’s Bazaar.kz}
1992 yilda olgan jarohati uning futbol o‘ynashiga to‘sqinlik qilganidan so‘ng, Jonson o‘qishga e’tibor qaratishga qaror qildi. U bir vaqtning o‘zida ikkita oliy ma’lumot oldi. Dueyn Mayami universitetida kriminologiya va fiziologiya bo‘yicha bakalavr darajasiga ega.

Liza Kudrou

^{Foto: Harper’s Bazaar.kz}
«Do‘stlar» serialidagi mashhur Fibi Buffi oddiy qiz emas, balki mahoratli aktrisa. 1985 yilda Kudrou Biologiya fakultetini tamomlagan.

Rebel Uilson

^{Foto: Harper’s Bazaar.kz}
Komik aktrisa Janubiy Uels universitetining Huquqshunoslik fakultetini tamomlagan. “Zamin” yangiliklarini “Youtube”da kuzatib boring