«Avatar-2» ikki mlrd dollardan ko‘p pul ishlagan 6-filmga aylandi

^{Foto: YouTube}
Rejissyor Jeyms Kemeron suratga olgan «Avatar: Suv yo‘li» (Avatar-2) filmining kassa tushumlari, ekranlarga chiqqanidan olti hafta o‘tib, 2 mlrd AQSH dollaridan oshdi. Bu haqda Variety xabar berdi.

Film 598 mln dollarni AQSHda, 1,4 mlrd dollarni xorijdagi namoyishlardan ishladi.

Shu tariqa kino tarixida 2 mlrd dollardan ortiq pul ishlagan filmlar soni 6 taga yetdi:
1. «Avatar-1»;
2. «Qasoskorlar: Final»;
3. «Titanik»;
4. «Yulduzlar jangi: Kuchning uyg‘onishi»;
5. «Qasoskorlar: Cheksizlik urushi»;
6. «Avatar-2».

^{Jeyms Kemeron «Avatar-2»ni suratga olish jarayonida}
E’tiborli tomoni, tarixdagi eng ko‘p daromad keltirgan filmlarning uchtasini Jeyms Kemeron suratga olgan. Aktrisa Zoi Saldana («Avatar»da Neytiri) eng serdaromad oltita filmning to‘rttasida rol o‘ynagan.

^{Neytiri va aktrisa Zoi Saldana} “Zamin”ni Telegramʻda oʻqing!