Shakira Ginnesning rekordlar kitobiga kirdi

Kolumbiyalik estrada yulduzi Shakira sobiq turmush o‘rtog‘i, futbolchi Jerar Pikening xiyonati haqida kuylagan qo‘shig‘i tufayli Ginnesning rekordlar kitobiga kirdi, deb xabar bermoqda “Korrespondent” nashri.

Shakira Jimmy Fallonning The Tonight Show dasturiga DJ Bizarrap bilan birga borgan va Music Sessions #53 trekini kuylagan. Xonanda ushbu trek o‘zi uchun yozilganini aytgan, biroq u chiqqanidan keyin qo‘shiq xiyonat bilan kurashishga majbur bo‘lgan ayollar uchun yaratilganligini ham his qilgan.

 Music Sessions #53 taronasi 14 ta jahon rekordini o‘rnatdi:

• Spotify’da 24 soat ichida eng ko‘p tinglangan Lotin Amerikasi treki, tarona umumiy hisobda 14 393 324 ta marta eshitilgan;
• YouTube’da 24 soat ichida eng ko‘p ko‘rilgan lotincha trek — video 63 000 000 marta tomosha qilingan;
• YouTube’da eng tez 100 million marta ko‘rilgan Lotin Amerikasi treki — video ikki kun-u 22 soatda ushbu natijani qayd etgan;
• Hafta davomida Spotify’da mashhur bo‘lgan lotincha trek — qo‘shiq 80 646 962 marta eshitilgan;
• Ispan tilidagi trek bilan Billboard Hot 100 ning Top 10 taligiga kirgan birinchi ayol xonanda;
• Xonanda tomonidan kuylangan tarona Billboard Latin Airplay chartidagi eng ko‘p 1-o‘rinni egallagan qo‘shiqqa aylandi.