Kinematografiya agentligi buyurtmasiga binoan rejissyor Zulfiqor Musoqov tomonidan suratga olingan «Hayrat» filmi Rossiyaning Yaroslavl shahrida oʻtkazilgan «Prosto xoroshee kino» kinofestivalida taqdirlandi. Bu haqda Kinematografiya agentligi axborot xizmati xabar bermoqda.
Mukofotni Oʻzbekiston Respublikasida xizmat koʻrsatgan artist Rustam Sa'dullaev qabul qilib oldi.
Film rejissyori Zulfiqor Musoqov suratga olish guruhining barcha a'zolarini mukofot bilan tabrikladi.
«Bunda postanovkachi-operator Azizbek Arziqulov va ikkinchi operator Seyran Kovalov, postanovkachi-rassom Sergey Chufarnov Sergey Chufarnov, liboslar boʻyicha rassom Mariya Soshina, ovoz operatori Vyacheslav Shin, bastakor Mariya Musakova, bosh rol ijrochisi Anvar Usmonov, aktyor Rustam Sa'dullaevlarning xizmatlari katta.
Shuningdek, marhum Sergo Sutyagin, Feruza Saidova, Shahnoza Valieva, Bobur Yoʻldoshev, Fotih Jalolov, Nigora Karimboeva, Otabek Musaev, film direktori Shuhrat Hamidullaev, yordamchilarim Muzaffar Shodiev, Muattar Mirrajabova va qadrli «OʻZBEKFILM» kinostudiyasining boshqa koʻplab xodimlariga halol mehnati uchun minnatdorlik bildiraman», — dedi Zulfiqor Musoqov.
Ushbu fantastik kinokartinada bir stsenaristning hayotida yuz bergan kutilmagan hodisalarning ijtimoiy va psixologik tahlili aks ettirilgan.
Kinofestival 30 martga qadar davom etadi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
