“Muhtasham yuz yil”dagi eng katta yolgʻon: Xurram sulton va Ibrohim oʻrtasidagi munosabatlar aslida qanday edi?

Hozirgacha millionlab kino ixlosmandlari sulton Sulaymon va uning tengi yoʻq rafiqasi Xurram sultonning afsonaviy sevgi hikoyasi haqidagi “Muhtasham yuz yil” serialini tomosha qilishadi. Biroq serial ijodkorlari tomonidan qanday tarixiy noaniqliklar sodir etilganini hamma ham bilavermaydi.

^{Foto: “Muhtasham yuz yil” serialidan lavha}
“Muhtasham yuz yil” serialida Ibrohim posho va Xurram sulton oʻrtasidagi munosabatlar doimo salbiy boʻlgan, ular Sulaymon podshohga oʻz ta'sirini oʻtkazish maqsadida qoimo kurash olib borgan. Shu bilan birga, vazir Sulaymonning singlisi Xadicha bilan turmush qurgani tasvirlangan. Ammo tarixga koʻra, barcha voqealar butunlay boshqacha boʻlgan.

Avvalo, Xurram sulton va Ibrohim posho oʻrtasida hech qanday adovat boʻlmagan. Bundan tashqari, vazir va Xurram sulton hayotda bir-birini koʻrmagan boʻlishi mumkin, chunki buyuk sultonning xotinlari va kanizaklarini faqatgina Sulaymon sultonning oʻzi yoki haram ogʻalari koʻrishi mumkin boʻlgan.

^{Foto: “Muhtasham yuz yil” serialidan lavha}
Ehtimol, Xurram va Ibrohim bir-birini yoqtirmagandir, chunki Ibrohim Mustafoni qoʻllab-quvvatlagan, Xurram esa oʻgʻillarining taqdiri haqida bosh qotirgan va aynan uning vorislari taxtga oʻtirishini istagan.

Serialda Ibrohim va Xadichaning Manisadagi ilk uchrashuvi epizodlari ham namoyish etiladi. Biroq haram qoidalariga koʻra, sultonning opa-singillari va Volida sultonni faqatgina Sulaymonning hamda bichilgan erkak qullar koʻrishlari mumkin boʻlgan. Shuning uchun Xadicha bilan Ibrohimning uchrashib qolish ehtimoli haqiqatdan yiroqdir.

^{Foto: “Muhtasham yuz yil” serialidan lavha}
Tarixga nazar solsak, haqiqiy Ibrohimning Musxina ismli yagona rafiqasi boʻlgan. Bu qiz Ibrohimni tarbiyalagan ayolning farzandi boʻlgan. U vazirning vafotigacha Ibrohimning yagona xotini boʻlib qolgan.

Ma'lumot uchun, Ibrohim Posho Usmoniylar imperiyasining eng nomdor va turk davlati tarixida buyuk iz qoldirgan davlat arbobi, Sulaymon I ning vaziri boʻlgan. U 1493 yilda hozirgi Gretsiyada joylashgan Parga qishlogʻida tugʻilgan. Shu sababdan Pargali Ibrohim Posho nomi bilan tilga olingan.

Manba: Daryo.uz “Zamin” yangiliklarini “Telegram”da kuzatib boring