Jonni Depp faoliyatida bir necha yil davom etgan tanaffusdan so‘ng kino sanoatiga qaytish uchun jadal tayyorlanmoqda, deb yozmoqda People.onliner.by. Aktyor ishtirokidagi yangi film “Kunduzlari mast” deb atalib, Lionsgate studiyasi tomonidan suratga olinadi.
Foto: HuffPost
Ushbu loyiha uning Ember Hyord bilan ajrashishi va shov-shuvli sud jarayonidan keyingi birinchi yirik ishi bo‘ladi. Ma’lumot uchun, Jonni Depp oxirgi marta yirik budjetli Gollivud filmida 2018 yilda, ya’ni “Fantastik hayvonlar: Grin-de-vald jinoyatlari” filmida suratga tushgan.
“Kunduzlari mast” yangi loyihasida Depp aktrisa Penelopa Krus bilan birga suratga tushadi. Filmni “Yozning 500 kuni” va “Yangi o‘rgimchak odam” filmlari bilan mashhur bo‘lgan rejissyor Mark Uebb suratga oladi. Trillerda kruiz kemasidagi barmen va sirli yo‘lovchi o‘rtasidagi do‘stlik hamda ular duch keladigan kutilmagan va murakkab voqealar haqida hikoya qilinadi. Loyiha mart oyidan beri ishlab chiqish bosqichida. Bundan avval bosh rolda aktrisa Sidni Suini ishtirok etishi haqida xabarlar tarqalgan edi, ammo ular tasdiqlanmadi.
Foto: VOI
Albatta, olti yillik tanaffus davomida Jonni Depp butunlay karyerasini butunlay tashlab qo‘ygani yo‘q. Aktyor Yevropada “Janna Dyubarri” filmida suratga tushdi, musiqiy gastrollarda bo‘ldi, maishiy mahsulotlar reklamasida chiqdi, Nyu Yorkda rasmlar ko‘rgazmasini tashkil qildi va hatto rejissyorlik kursisiga qaytib, rassom Amedeo Modilyani haqidagi biografik filmni suratga oldi. Biroq uning Gollivuddagi avvalgi mavqeyi tiklanishiga yana bir muddat vaqt kerak bo‘ladi.
“Kunduzlari mast” loyihasi Depp va Krusning to‘rtinchi hamkorlikdagi ishi bo‘ladi. Avvalroq ular “Kokain” (2001), “Karib dengizi qaroqchilari” (2011) va “Sharqiy ekspressdagi qotillik” (2017) filmlarida birga suratga tushishgan.
Eslatib o‘tamiz, Jonni Depp karyerasidagi muammolari uning Ember Hyord bilan shov-shuvli ajrashishi natijasida boshlandi. Aktrisa sobiq erini zo‘ravonlikda ayblab, sudga berdi. Depp sud jarayonida yutqazdi — sud uni xotinini kaltaklaganlikda aybdor deb topdi. Shundan so‘ng Deppga nisbatan boykotlar e’lon qilindi. Mashhur studiya Warner Bros. va Disney ham u bilan shartnomasini bekor qildi.
Biroq aktyor taslim bo‘lmadi va sobiq rafiqasiga qarshi da’vo arizasi bilan chiqdi. Emberni tuhmatda ayblagan aktyor bu safar sudda yutib chiqdi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Maldiv orollari turistlardan undiriladigan soliqlarni keskin oshiradi
