Yaqinda Fransiyaning Parij shahrida joylashgan mashhur Pompidu markazida g‘ayrioddiy hodisa yuz berdi: bir tashrif buyuruvchi devorga skotch bilan yopishtirilgan bananni yeb qo‘ydi. Ammo bu oddiy banan emas edi — bu italyan rassomi Mauritsio Kattelan tomonidan yaratilgan va “Comedian” (ya'ni, “Komediant”) deb nomlangan zamonaviy san’at asari bo‘lib, u ilgari 6 million AQSh dollariga baholangan edi.
Mazkur voqea haqidagi xabarni Peopletalk nashri tarqatdi va u qisqa fursat ichida internetda katta muhokamalarga sabab bo‘ldi.
Asarning muallifi, italyan kontseptual san’atkori Mauritsio Kattelan bu voqeani hazil bilan kutib oldi:
“Yaxshiyamki, u bananni po‘stlog‘i va skotchi bilan emas, faqat mevasini yebdi”, – deydi u kulib.
Bananning o‘rni esa tezda yangilandi — bu installyatsiyani tiklash san’atkor tomonidan ishlab chiqilgan maxsus yo‘riqnomaga asosan atigi bir necha daqiqada amalga oshirilgan.
Bu Kattelan asarlarining “ta’tib ko‘rilishi” bilan bog‘liq ilk holat emas: 2023 yilda taniqli kripto-investor Jastin San ham ushbu asardan og‘ziga solib ko‘rgan edi.
Kattelan ilk bor “Comedian” asarini 2019 yilda Mayamidagi Art Basel ko‘rgazmasida taqdim etgan. O‘sha paytda u 120 ming dollarga sotilgan edi. Oddiy banan va skotchdan iborat bu asarning narxi vaqt o‘tishi bilan millionlab dollarga ko‘tarildi. Bu holat san’at olamida katta bahs-munozaralarga sabab bo‘ldi — bunday ishlar san’atmi, yo‘qmi? “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
