Striming olamida yangi trend — 60 soniyali qisqa seriallar tomoshabinlarni tobora ko‘proq o‘ziga jalb qilmoqda. Pravilamag yozishicha, Netflix, HBO Max va Paramount+ foydalanuvchilari ommaviy ravishda ana shunday mini-seriallar taqdim etuvchi platformalarga o‘ta boshlagan.
Mutaxassislar ta’kidlashicha, yangi formatning asosiy afzalligi — voqealar tez rivojlanishi va kutilmagan dramatik burilishlardir. Bunday kontent asosan mashhur bloggerlar tajribasidan ilhomlanib yaratilmoqda. Mini-seriallarning yana bir qulayligi shundaki, ular vertikal uslubda efirga uzatiladi va smartfonlarda bemalol ko‘rish mumkin.
Shuningdek, narx jihatidan ham foydalanuvchilar uchun ancha arzonroq. Odatda bunday ilovalarga kirish 20 dollar atrofida turadi. Taqqoslash uchun, Netflix’ning reklamasiz obunasi oyiga deyarli 18 dollarni tashkil etadi. Ko‘plab odamlar esa qisqa metrajli kontentni hatto ijtimoiy tarmoqlardan bepul tomosha qilib, yanada ko‘proq tejashmoqda.
Kanadalik 34 yoshli Elin Firobning so‘zlariga ko‘ra, u oyiga qariyb 30 ta mini-serial tomosha qiladi. Bu oddiy serialning 90 daqiqalik bitta epizodiga teng. Qizig‘i shundaki, u bu qarorni pulni tejash uchun emas, balki qisqa va “vertikal” formatdagi kontentni afzal ko‘rganidan qabul qilgan. Hozirda u qisqa seriallar uchun oyiga qariyb 200 dollar sarflaydi.
“Zamin”ni Telegramʻda oʻqing!
