Mashhur qo‘rqinchli franshiza “The Conjuring”ning so‘nggi qismi “The Conjuring: Last Rites” 2025 yilning eng muvaffaqiyatli dahshatli filmi bo‘ldi. Film kassa rekordlarini yangilab, butun dunyo bo‘ylab 400 million dollar daromad to‘pladi: ichki bozor – 151,2 million, xalqaro bozor – 248,8 million dollar. Shu bilan umumiy daromadning 62 foizi xorijiy prokatdan tushdi.
Rayan Kuglerning “Gunohkorlar” vampir filmi 366,7 million dollar bilan yuqori natija qayd etgan, “Yakuniy manzil: Qon rishtalari” esa 313 million dollar ishlab topgan. “Qurollar” esa 263,4 million dollar bilan to‘rtinchi o‘rinni egalladi. Qiziq tomoni shundaki, “Gunohkorlar” original qo‘rqinchli filmlar sifatida franchayzadan tashqari eng yuqori daromadni keltirmoqda.
Rejissor Maykl Chaves bu film bilan "The Conjuring" franshizasining asosiy hikoyasini yakunladi. Demonologlar Ed va Lorreyn Uorren oilasini yangi yovuzlikdan himoya qilishi kerak. Patrik Uilson va Vera Farmiga o‘z rollariga qaytdi va film o‘n yillik hikoyani davom ettirdi.
“Zamin”ni Telegramʻda oʻqing!
