Tohir Sodiqov Toshkentda quvlashmachoq o‘ynayotgan olmaxonlarni videoga oldi

«Bolalar» guruhi solisti Tohir Sodiqov Instagram’dagi sahifasida Toshkent mavzelarining biridagi hovlida quvlashmachoq o‘ynab yurgan olmaxonlarni videoga oldi.

Video davomida Tohir Sodiqovning olmaxonlarning oldiga yaqinlashayotganlardan biriga: «E, qo‘rqitmang!», — deb gapirganini eshitish mumkin.

Tohir Sodiqov videoga: «Yaqinlashib kelayotgan Yangi yil bilan! Ko‘p ichmanglar, aks holda, mana bular oldingizga keladi», — deya hazilnamo fikr yozib qoldirgan.