Xonanda Umar Shamsiyev bugun muxlislari uchun navbatdagi yangi qo‘shig‘ini taqdim etdi. Yangi tarona “Men seni sevaman” deb nomlanadi.
Mazkur qo‘shiq muhabbat deb ataladigan eng go‘zal va samimiy tuyg‘ularning musiqiy ifodasidir. Undagi har bir nota, har bir satr yurak tubidan chiqqan his-tuyg‘ularni, chin dildan aytilgan sevgi izhorini ifoda etadi. Tarona orqali tinglovchi shirin xotiralar bag‘riga sho‘ng‘iydi, qalbini esa iliqlik va mehr hissi qamrab oladi.
“Men seni sevaman” — bu shunchaki uchta so‘z emas, balki butun bir olam, umid, va’da, ishonch va cheksiz sadoqat timsolidir. Qo‘shiqni tinglar ekansiz, ushbu so‘zlar naqadar qudratli ekani va inson hayotiga qanchalik kuchli ta’sir ko‘rsatishi mumkinligini yana bir bor his qilasiz.
Qayd etilishicha, ushbu taronaning she’ri va musiqasi Shahboz Fayzullayev qalamiga mansub. Ya’ni, qo‘shiqning ham so‘zlari, ham bastasi muallifi bir shaxs hisoblanadi.
“Zamin”ni Telegramʻda oʻqing!
