O‘zbek primadonnasi dunyo bo‘ylab gastrol safarini boshlamoqchi

O‘zbek san’atining primadonnasi Yulduz Usmonova O‘zbekiston bo‘ylab o‘tkazgan gastrol safarlaridan so‘ng dunyo bo‘ylab konsert taqdim etish uchun yo‘l olmoqda, deb yozadi Qalampir.uz nashri.

10 yillik tanaffusdan so‘ng katta sahnaga qaytgan Yulduz Usmonova aprel oyida Toshkentning “Istiqlol” san’at saroyida konsert dasturi taqdim etgan edi.

“Ey, aziz inson” nomli konsert dasturi O‘zbekistonning bir necha viloyatlarida ham o‘tkazildi. Endi navbat Dubay va Nyu-York shaharlarga!

Shu yilning 13 oktyabr kuni primadonna BAAning yirik shahri Dubayda “Ey, aziz inson” konserti bilan muxlislarni xushnud etadi. Bu hali hammasi emas...

Yulduz Usmonova 5 noyabr kuni Amerikaning Nyu-York shahrida ham ana shu nomli konsert dasturini taqdim etadi. O‘zbek primadonnasiga gastrol safari omadli o‘tishini tilaymiz! “Zamin”ni Telegramʻda oʻqing!