Avvalroq, “O‘zbekkonsert” davlat muassasasi huzurida Kliplar kengashi tuzilishi, bundan buyon xonandalar TV ekranlar uchun tayyorlayotgan kliplari ssenariysini ushbu Kengash bilan muhokama qilishi kerakligi haqida xabar bergan edik.
“O‘zbekkonsert” davlat muassasasi tomonidan va’da qilingan Kliplar kengashi o‘z ishini boshladi. Bu haqda tahririyatimizga “O‘zbekkonsert” davlat muassasasi direktori Odiljon Abduqahhorov xabar berdi.
Abduqahhorovning ma’lum qilishicha, endilikda har bir xonanda klipini suratga oldirib bo‘lgach, uni TV efirlariga berishdan avval Kliplar kengashiga taqdim etadi. Hay’at a’zolari topshirilgan kliplarni teleefirlarga berishni ma’qul topsalar, kliplar namoyishiga ruxsat beriladi. Yo‘qsa, taqiq qo‘yiladi. Xohlovchilar kliplar suratga olinishidan avval kengash a’zolari bilan maslahatlashishlari mumkin.
Bunda TVlarga ortiqcha majburiyat tushmaydi. Aksincha, “O‘zbekkonsert” bor mas’uliyatni gardaniga olyapti. Bundan buyon “falonchi xonandaning yarim yalong‘och libosda chiqqan klipini kanal rahbariyati bizdan beruxsat qo‘yib yuborgan” degan bahonalarga ham o‘rin qolmaydi.
Xonandalar-chi? Xonandalarning ham bundan keyin mas’uliyati ortishi tayin. Kliplarini Kengashga topshirmagan, “bilmagandim”, “xabarim yo‘q edi”, deganlar litsenziyasidan mahrum etiladi.
Darvoqe, Kliplar kengashi 1 fevraldan o‘z faoliyatini boshladi. Ko‘ramiz, natija qanday bo‘larkin... “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Organizm o‘zini toksinlardan qanday tozalaydi?
Buyrak salomatligi uchun eng foydali sabzavot...
Donald Tramp 27 yoshli Karolin Levittni Oq uy matbuot kotibi etib tayinlamoqchi
Rossiya armiyasi Kupyanskka kirgani aytilmoqda
Apple dongdor ikki ayfonini rasman eskirgan deb e’lon qildi
AQSH Isroilning ikki vaziriga sanksiya qo‘llamoqchi
AQSH harbiylari orasida o‘z joniga qasd qilish ko‘paydi
Yaxshi pishgan va mazali anor tanlashga yordam beradigan tavsiyalar
