Bepul litsenziyani qo‘lga kiritmoqchi bo‘lgan xonandalar diqqatiga!

Endilikda, "O‘zbekkonsert" muassasadan qo‘shiqchilik sohasida faoliyat yuritish uchun litsenziya olmoqchi bo‘lgan yoshlar, avvalo, o‘z malakalarini oshirish uchun respublikaning istirohat bog‘lari bor shahar va tumanlariga tashrif buyurib, konsert bersa, xalq imtihonidan o‘tsa, bog‘da jonli aytib odamlar ko‘nglini olsa, litsenziyani qo‘lga kiritadi. Bu haqda muassasa rahbari Odiljon Abduqahhorov aytib o‘tdi.

Avvalo, bu tadbir yosh san’atkorni faoliyati boshidanoq xalq bilan birga bo‘lishi, ular oldida chiqib tajriba to‘plashiga sabab bo‘lsa, ikkinchidan unda san’atga bo‘lgan mas’uliyatni oshishiga turtki bo‘ladi, desak mubolag‘a bo‘lmaydi. “Zamin”ni Telegramʻda oʻqing!