Madaniyat vaziri Ozodbek Nazarbekov AOKAda o‘tkazilgan brifingda sentabr oyidan boshlab har oyning birinchi yakshanbasida davlat muzeylariga kirish bepul bo‘lishini ma’lum qildi.
«2020 yil sentabr oyidan boshlab davlat muzeylarida har oyning birinchi yakshanbasida «ochiq eshiklar kuni» rejimini joriy qilish ko‘zda tutilmoqda. Bu kunlarda tashrif buyuruvchilarning muzeylarga bepul kirishlarini ta’minlash maqsadida amaldagi normativ-huquqiy hujjatlarga o‘zgartirish va qo‘shimchalar kiritish jarayoni bormoqda.
Bu masalada teatrlardagi ochiq eshiklar kunini misol tariqasida ko‘rsatish mumkin, ya’ni endi davlat muzeylariga belgilangan kunda aholini bepul kiritish tizimini yaratib, ularni tarixiy boy merosni o‘rganish uchun imkoniyat yaratilmoqda», deya vazirning so‘zlarini keltirmoqda Kun.uz nashri.
Shuningdek, Madaniyat vaziri san’atkorlar haqidagi ma’lumotlarni jamlovchi yagona portal faoliyati yo‘lga qo‘yilishini bildirib o‘tdi.
- «O‘zbekkonsert» davlat muassasasi hamda Axborot texnologiyalarni rivojlantirish vazirligi bilan hamkorlikda qo‘shma qaror asosida yagona portal tashkil etiladi. Yagona portal tizimida mamlakatda faoliyat olib borayotgan san’atkorlarning barcha ma’lumotlari joylashtiriladi, dedi Ozodbek Nazarbekov. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi