O‘zbekiston aholisi 2,1 foizga o‘sdi

O‘zbekistonda doimiy aholi soni 2020-yilga nisbatan 712,4 ming kishiga(2,1%) oshib, 35,6 million kishini tashkil etdi, deya xabar beradi Davlat statistika qo‘mitasining mamlakatdagi demografik vaziyat bo‘yicha hisobotida. Ayollar soni 346,6 ming kishiga(2%), erkaklar soni 365,7 ming kishiga (2.1%) ga oshdi.

Birlashgan Millatlar Tashkilotining Aholishunoslik jamg‘armasi ma’lumotlariga ko‘ra, 2021 yilda dunyo aholisining umumiy soni 7,8 milliard kishini tashkil qiladi. O‘zbekiston aholi soni bo‘yicha 43-o‘rinda.

O‘zbekistonning shahar aholisi 17,9 million kishiga (jami aholining 50,8 %), qishloq aholisi 17,35 million kishiga (49,2 %) yetdi.

Hududlar kesimida aholi umumiy sonida eng katta ulush Samarqandda – 4 million kishi, Farg‘onada – 3,8 million, Qashqadaryoda – 3,4 million va Andijonda – 3,2 million kishiga to‘g‘ri keladi. “Zamin”ni Telegramʻda oʻqing!