Yurtimizda sovuq va yomgʻirli kunlar boshlanishi kutilmoqda

«Oʻzgidromet» 17-20 oktyabr kunlariga kutilayotgan ob-havo ma'lumotini taqdim qildi. Unga koʻra:

Qoraqalpogʻiston Respublikasi va Xorazm viloyatida havo oʻzgarib turadi, yogʻingarchilik kutilmaydi, faqat 18 oktyabrda ba'zi joylarda biroz yomgʻir yogʻishi mumkin. Gʻarbiy shamol yoʻnalishini oʻzgartirib sharqdan 7-12 m/s tezlikda esadi, 17 oktyabrda ba'zi joylarda 15-20 m/s gacha kuchayishi, ayrim joylarda chang-toʻzonlar kuzatilishi mumkin.

Harorat 17 oktyabrda kechasi 5-10°, kunduzi 15-20°, 18 oktyabrda kechasi 3-8°, kunduzi 13-18°, 19 oktyabrda kechasi 0-5° iliqgacha, ba'zi joylarda 2° sovuqgacha, kunduzi 13-18° gacha pasayadi, 20 oktyabrda kechasi 2-7°, kunduzi 17-22° boʻladi.

Buxoro va Navoiy viloyatlarida havo oʻzgarib turadi, 17 oktyabrda ba'zi joylarda biroz yomgʻir yogʻadi, 18 oktyabrda ba'zi joylarda yomgʻir yogʻishi mumkin, 19-20 oktyabrda yogʻingarchilik kutilmaydi, Gʻarbiy shamol yoʻnalishini oʻzgartirib sharqdan 7-12 m/s tezlikda esadi.

17-18 oktyabrda ba'zi joylarda 15-20 m/s gacha kuchayishi, ayrim joylarda chang-toʻzonlar kuzatilishi mumkin. Harorat 17 oktyabrda kechasi 9-14°, kunduzi 20-25°, 18 oktyabrda kechasi 7-12°, kunduzi 15-20°, 19 oktyabrda kechasi 3-8°, kunduzi 15-20°, 20 oktyabrda kechasi 3-8° iliq, kunduzi 18-23° boʻladi.

Navoiy viloyatining shimolida 17 oktyabrda kechasi 5-10°, kunduzi 15-20°, 18 oktyabrda kechasi 3-8°, kunduzi 13-18°, 19 oktyabrda kechasi 0-5°, ba'zi joylarda 2° sovuqgacha, kunduzi 13-18°, 20 oktyabrda kechasi 2-7° iliq, kunduzi 17-22° boʻladi

Toshkent, Samarqand, Jizzax, Sirdaryo viloyatlarida havo oʻzgarib turadi, 17 oktyabrda ba'zi joylarda biroz yomgʻir yogʻadi, 18 oktyabrda ba'zi joylarda yomgʻir yogʻishi mumkin.

19 oktyabrda ba'zi joylarda yomgʻir yogʻadi, 20 oktyabrda yogʻingarchilik kutilmaydi. Sharqiy shamol yoʻnalishini oʻzgartirib gʻarbdan 7-12 m/s tezlikda esadi, 18 oktyabrda ba'zi joylarda 15-20 m/s gacha kuchayishi, ayrim joylarda chang-toʻzonlar kuzatilishi mumkin.

Harorat 17 oktyabrda kechasi 8-13°, kunduzi 20-25°, 18 oktyabrda kechasi 5-10°, kunduzi 15-20°, 19 oktyabrda kechasi 3-8°, kunduzi 15-20°, 20 oktyabrda kechasi 3-8° iliq, kunduzi 17-22° boʻladi.

Qashqadaryo va Surxondaryo viloyatlarida havo oʻzgarib turadi, 17 oktyabrda yogʻingarchilik kutilmaydi, 18 oktyabrda ba'zi joylarda yomgʻir yogʻishi mumkin, 19 oktyabrda ba'zi joylarda yomgʻir yogʻadi, 20 oktyabrda yogʻingarchilik kutilmaydi. Sharqiy shamol yoʻnalishini oʻzgartirib gʻarbdan 7-12 m/s tezlikda esadi, 18 oktyabrda ba'zi joylarda 15-20 m/s gacha kuchayishi, ayrim joylarda chang-toʻzonlar kuzatilishi mumkin.

Harorat 17 oktyabrda kechasi 7-12°, kunduzi 22-27°, 18 oktyabrda kechasi 7-12°, kunduzi 15-20°, 19-20 oktyabrda kechasi 3-8°, kunduzi 15-20° boʻladi.

Andijon, Namangan, Fargʻona viloyatlarida havo oʻzgarib turadi, 17 oktyabrda ba'zi joylarda biroz yomgʻir yogʻadi, 18 oktyabrda ba'zi joylarda yomgʻir yogʻishi mumkin, 19 oktyabrda ba'zi joylarda yomgʻir yogʻadi, 20 oktyabrda yogʻingarchilik kutilmaydi.

Sharqiy shamol yoʻnalishini oʻzgartirib gʻarbdan 7-12 m/s tezlikda esadi, 18 oktyabrda ba'zi joylarda 15-20 m/s gacha kuchayishi, ayrim joylarda chang-toʻzonlar kuzatilishi mumkin.

Harorat 17 oktyabrda kechasi 7-12°, kunduzi 22-27°, 18 oktyabrda kechasi 7-12°, kunduzi 15-20°, 19-20 oktyabrda kechasi 3-8° iliq, kunduzi 15-20° boʻladi.

Respublikaning togʻli hududlarida havo oʻzgarib turadi, 17-19 oktyabrda vaqti-vaqti bilan yomgʻir yogʻadi, ba'zi joylarda kuchli boʻlishi, baland togʻlarda yogʻingarchilik (yomgʻir qorga aylanishi mumkin). Sharqiy shamol yoʻnalishini oʻzgartirib gʻarbdan 7-12 m/s tezlikda esadi, 18 oktyabrda ba'zi joylarda 15-20 m/s gacha kuchayishi mumkin. Harorat 17 oktyabrda kechasi 8-13°, kunduzi 20-25°, 18 oktyabrda kechasi 3-8°, kunduzi 15-20°,19 oktyabrda kechasi 2° sovuqgacha-3° iliqgacha, kunduzi 3-8° iliqgacha, 20 oktyabrda kechasi 2° sovuqgacha-3° iliqgacha boʻladi. “Zamin” yangiliklarini “Telegram”da kuzatib boring