21:44 / 17.05.2016
6 171

5 nafar rossiyalikni qatl etganlikda gumon qilinayotgan o‘zbekistonlik sud oldida javob beradi

5 nafar rossiyalikni qatl etganlikda gumon qilinayotgan o‘zbekistonlik sud oldida javob beradi
Tula viloyati prokuraturasi besh kishini o‘ldirishda gumon qilinayotgan O‘zbekiston Respublikasi fuqarosi Sirojiddin Sheralievga nisbatan ochilgan jinoiy ish bo‘yicha xulosasini Sud e’tiboriga taqdim etdi, deb xabar qilmoqda "Kun" nashri.

Tergovchilar uni qasddan bir necha kishini o‘ldirishda ayblashmoqda. Ma’lum bo‘lishicha, Sirojiddin Sheraliev Rossiya hududida noqonuniy istiqomat qilib kelgan.
"G‘arazgo‘y jabrdiydalardan birining mobil telefonini o‘g‘irlamoqchi bo‘lgan, ammo voqea joyidan yashirinmoqchi bo‘lganida polisiya xodimlari tomonidan qo‘lga olingan. Hozirda sud mahkamasi Sheralievni hibsda saqlash to‘g‘risida qaror qilgan. Jinoiy ish esa ko‘rib chiqish va qaror qabul qilish maqsadida Tula viloyat sudiga yuborilgan", — deyiladi xabarnomada.

2015 yilning 30 mayiga o‘tar kechasi Tulaning Kosaya Gora qo‘rg‘onidagi xususiy uylardan birida ikki ayol va 3 nafar bolaning jasadi topilgan edi. Prokuratura ma’lumotlariga ko‘ra, jasadlar 10 va 11 yoshdagi ikki qiz, ularning 5 yashar ukasi hamda bolalarning 29 yoshli onasi va 49 yoshli buvisiga tegishli ekani aniqlangan. O‘ldirilgan bolaning 7 yashar akasi va ayollar bilan birga istiqomat qiluvchi 37 yoshli kishi shifoxonaga yotqizilgandi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » O‘zbekiston » 5 nafar rossiyalikni qatl etganlikda gumon qilinayotgan o‘zbekistonlik sud oldida javob beradi
[/banner_pushhouse