O‘zbekiston demokratiya reytingida 148-o‘rinni egalladi

O‘zbekiston har yili jahon mamlakatlarining demokratiya indeksini e’lon qiladigan Britaniyaning The Economist Intelligence Unit tadqiqotlar tashkilotining 2023 yilgi reytingida 167 mamlakat ichida 148-o‘rinni egalladi.

“Demokratiya indeksi”ni 2006 yildan beri e’lon qilib kelinadi. Davlatlarga beshta toifa bo‘yicha ball beriladi, so‘ng ballar asosida har biri tuzum turi bo‘yicha tasniflanadi: to‘la demokratiya, nomukammal demokratiya, gibrid tuzum va avtokratiya. Mamlakatdagi demokratiya bilan bog‘liq vaziyatni 10 balldan 2,12 ball sifatida baholamoqda. Bunda toifalarga quyidagicha ball berilgan:

saylov jarayoni sifati va plyuralizm — 0,08 ball;
hukumat faoliyati — 1,86 ball;
siyosiy ishtirok — 2,78 ball;
siyosiy madaniyat — 5 ball;
fuqarolik erkinliklari — 0,88 ball.

2012 yilda O‘zbekiston The Economist Intelligence Unit reytingida 159-o‘rinda edi. 2018 yil uchun demokratiya indeksida O‘zbekiston 156-o‘ringa chiqqan. 2021 yilgi reytingida esa 150-o‘rinni egallagandi.

Shuningdek, reytingda Tojikiston — 155-o‘rinni egallagan bo‘lsa, Turkmaniston esa reyting yakuniga yaqinroq — 162-o‘rinda. Qirg‘iziston va Qozog‘iston yetti pog‘ona yuqorilab, mos ravishda 109 va 120-o‘rinlarga joylashgan.

Bundan oldin Toshkent dunyodagi eng arzon shaharlar beshligiga kirgani, O‘zbekiston xayr-saxovat bo‘yicha dunyo reytingida 36-o‘rinni egallagani to‘g‘risida xabar berilgandi. “Zamin” yangiliklarini “Odnoklassniki”da kuzatib boring