Oʻzbekiston aholisi Yangi yilni qanday ob-havo bilan kutib oladi?

30 dekabrda respublika hududi boʻyicha ba'zi joylarda va 31 dekabrga oʻtar kechasi Toshkent viloyatining ayrim joylarida yogʻingarchilik kuzatiladi, lekin tekislik hududlarda yogʻingarchilik asosan yomgʻir koʻrinishida boʻladi. Faqat togʻ oldi va togʻli hududlarda, shuningdek, respublika shimolida ba'zi joylarda yogʻingarchilik qor koʻrinishida boʻlishi kutilmoqda.

Respublika hududining katta qismida 31 dekabrda kunduz kuni va 1 yanvarda yogʻingarchilik kutilmaydi.

30-31 dekabr va 1 yanvarda havo harorati asosan kechalari 0-5 daraja iliq, kunduz kunlari 5-10 daraja iliq atrofida, ba'zi joylarda 12 daraja iliqqacha boʻladi. Shimolda kechalari 3-8 daraja sovuq, kunduz kunlari 0-5 daraja iliq boʻladi.

Yangi yil bayramlari kunlari Oʻzbekistonda ob-havo odatda qanday boʻladi? Yangi yilni qor bilan qanchalik tez-tez kutib olamiz?

Iqlim ma'lumotlari tahlili shuni koʻrsatadiki, soʻnggi yillarda iqlim oʻzgarishi hisobiga Oʻzbekistonning tekislik hududlarida va hatto togʻ oldi hududlarida qish faslidagi yogʻingarchiliklar koʻpincha yomgʻir yoki hoʻl qor koʻrinishida yogʻishi kuzatilmoqda.

Shunday qilib, soʻnggi 10 yil ichida Oʻzbekiston hududining katta qismida yangi yil bayramlari qorsiz oʻtgan.

Ushbu asrda 2007 yilning birinchi kuni eng qorli kun boʻlgan. 2007 yilning yangi yil kechasi arafasida qor yogʻishi boshlanib, 1 yanvarda butun kun davomda kuzatilgan.

Shunday yillar kuzatilganki, qor Yangi yil bayramlaridan bir necha kun oldin yogʻgan va yangi yil bayramlarigacha qor qoplami saqlanib turgan. Bu holat 2011−2012 yillarda kuzatilgan. Ushbu yillarning soʻnggi haftasida qor koʻrinishidagi yogʻingarchiliklar bir necha bor yogʻib, yangi yil arafasida mamlakatimizning koʻplab shahar va qishloqlari, daraxtlar va tomlar qor qoplamalari bilan bezatilgan.

Toshkentda ushbu asrda 2014 yilning yangi yil kechasi eng sovuq boʻlib, bunda termometr ustuni 9 daraja sovuqqacha pasaygan, barcha kuzatuv yillari uchun 1889 yil yangi yil kechasida esa - 27,5 daraja sovuq qayd etilgan.

Ammo (soʻnggi yillarda tez-tez qayd etilmoqda) yangi yil bayrami kunlari kunduz kunlari havo harorati 16-19 daraja iliqqacha boʻlgan qish fasliga xos boʻlmagan iliq kunlar ham kuzatilmoqda. 2024 yilning 1 yanvar kuni ham shunday hodisa kuzatilgan. “Zamin” yangiliklarini “Telegram”da kuzatib boring