Shubhali pul o'tkazmalari bo'yicha bank kartalari bloklanadi

O'zbekistonda shubhali pul o'tkazmalari bilan bog'liq bank kartalari huquqni muhofaza qiluvchi organlar talabiga binoan bloklanadi, deb Kursiv Media xabar berdi. Bu chora Prezident Shavkat Mirziyoyev tomonidan imzolangan qarorga asosan amalga oshiriladi.

Bundan tashqari, banklar va to'lov tashkilotlari o'z mobil ilovalariga antivirus himoya tizimini majburiy ravishda joriy etishlari lozim. Mijozlar qurilmalarida virus faoliyati aniqlanganda xabarnoma oladi.

Noboliglar uchun bank kartalari va hisoblar ochishda maxsus talablar ishlab chiqiladi. Shuningdek, ota-onalarga farzandlarining hisoblaridagi shubhali va firibgarlik operatsiyalari haqida ogohlantirish tizimi joriy etiladi.

Respublikada kiberjinoyatlarga qarshi kurash va raqamli tergovga ko'maklashish markazi tashkil etiladi. Ushbu markaz kiberjinoyatlarni ochish bo'yicha ilmiy asoslangan takliflar ishlab chiqish va huquqni muhofaza qiluvchi organlar faoliyatini tahlil qilish bilan shug'ullanadi. “Zamin”ni Telegramʻda oʻqing!