Ichki nazorat tizimini yangilash: davlat boshqaruvida yangi bosqichga qadam

O‘zbekistonda davlat boshqaruvi tizimida sifat jihatdan yangi o‘zgarishlarga start berildi. Hukumat qarori bilan “2025–2027 yillarda respublika va mahalliy ijro etuvchi hokimiyat organlarida ichki nazorat tizimini yanada takomillashtirish” konsepsiyasi tasdiqlandi, deb xabar berdi Huquqiy axborot kanali. Ushbu konsepsiya mamlakatda ichki nazorat tizimini takomillashtirishning ustuvor yo‘nalishlari, aniq vazifalari va istiqboldagi rivojlanish bosqichlarini belgilaydi.

Yangi konsepsiyaga ko‘ra, ichki nazorat tizimini rivojlantirish uchun bir necha yo‘nalishlar va maqsadlar belgilangan. Jumladan, nazorat muhitining yaxlit va to‘liq tizimini shakllantirish, xavflar va risklarni boshqarishning samarali mexanizmlarini yo‘lga qo‘yish, nazorat jarayonlarining natijadorligini yanada oshirish, axborot-kommunikatsiya imkoniyatlarini kengaytirish va tizimli monitoring orqali hisobdorlikni mustahkamlash asosiy vazifalardan sanaladi.

Mazkur maqsadlarga erishish uchun quyidagi amaliy mexanizmlar joriy etiladi:

• Ichki nazorat tizimini tashkil etish va takomillashtirish bo‘yicha normativ-huquqiy bazani zamon talablariga moslashtirish,
  
• Har bir darajada ichki nazoratni amalga oshirishda zamonaviy texnologiyalar va yondashuvlardan foydalanish,
  
• Davlat organlarida faoliyat yurituvchi kadrlar malakasini oshirish, qayta tayyorlash va zamonaviy bilimlar bilan ta’minlash tizimini kuchaytirish.
  

Mutaxassislar ta’kidlaganidek, yangi konsepsiya qabul qilinishi natijasida davlat organlarida ochiqlik, aniqlik va hisobdorlik tamoyillari yanada mustahkamlanadi. Ichki nazorat tizimining takomillashishi, korrupsiya va boshqa salbiy holatlarning oldini olish, ijro intizomini oshirishga xizmat qiladi.

Yangi islohotlar va tartiblar davlat boshqaruvida aniqlik va samaradorlikni oshirish, fuqarolar ishonchini mustahkamlashga qaratilgani bilan ham ahamiyatli. Endi ushbu konsepsiyaning hayotga qanday tatbiq etilishi va qay darajada amaliy natija berishi jamoatchilik tomonidan qiziqish bilan kuzatilmoqda. “Zamin”ni Telegramʻda oʻqing!