Energetika sohasida muhim qaror qabul qilindi — Vazirlar Mahkamasi tomonidan elektr energiyasini ishlab chiqarish, uzatish va taqsimlash jarayonlarida yuzaga keladigan texnologik sarflarni hisoblash va ularning ruxsat etilgan me’yorlarini tasdiqlash tartibi belgilab qo‘yildi.
Ushbu nizom asosida elektr energiyasining texnologik sarfini hisoblash, uning normarlarini aniqlash, vakolatli organlarning majburiyatlari va nazorat qilish tartibi belgilab berildi. Shuningdek, tasdiqlangan me’yorlarni qayta ko‘rib chiqish mexanizmi ham yo‘lga qo‘yiladi.
Endilikda elektr tarmog‘i egalari — ya’ni, belgilangan hududlarda elektr stansiyalari, uzatish va taqsimlash tizimlari operatorlari har bir texnologik sarfni mustaqil tarzda hisoblab, hisobot taqdim etadi. Birlamchi ma’lumotlar Vazirlar Mahkamasi huzuridagi inspeksiyaning hududiy boshqarmalari tomonidan tekshiriladi va kelishtiriladi. Keyin esa Energetika vazirligiga taqdim etiladi va so‘ng Energetika bozorini rivojlantirish agentligi tomonidan tasdiqlanadi.
Texnologik yo‘qotishlar tarkibiga elektr energiyasining texnik yo‘qotishlari, tarmoq ob’ektlarining o‘z ehtiyojlari uchun ishlatilgan energiya, hamda hisob tizimlaridagi ruxsat etilgan xatolar bilan bog‘liq yo‘qotishlar kiradi.
Ob’ekt egalari har yili 15 yanvargacha yil yakunlari bo‘yicha Energetika vazirligiga quyidagi ma’lumotlarni o‘z ichiga olgan batafsil hisobot taqdim etadi:
-
Texnologik iste’molning ruxsat etilgan me’yorlari va oylik ko‘rsatkichlar;
-
Haqiqiy va ruxsat etilgan me’yorlar orasidagi farqlarning sabablari;
-
Kuzatilgan avariyalar, uzilishlar, ob-havo va boshqa favqulodda holatlar;
-
Elektr tarmog‘i ob’ektlarining ma’naviy eskirishi darajasi.
Yangi nizomni joriy etishdan maqsad — elektr energiyasidagi yo‘qotishlarni qat’iy nazoratga olish, tarmoqda shaffoflik va mas’uliyatni oshirishdir. Mutaxassislar ta’kidlashicha, ushbu tartib energiya samaradorligini kuchaytirish, texnik yo‘qotishlar va sarf-xarajatlarni qisqartirishda muhim qadam bo‘ladi.
Mazkur yangilik energetika sohasida faoliyat yurituvchi tashkilotlar va iste’molchilar uchun ham katta ahamiyatga ega bo‘lib, elektr tarmoqlarining samaradorligi va barqarorligini ta’minlashga xizmat qiladi. Muxlislar esa tarmoqdagi shaffoflik va samarali boshqaruv natijasini yaqin yillarda yaqqol his etishi mumkin.
“Zamin”ni Telegramʻda oʻqing!
