Janubiy Koreya prezidenti Li Je Myong Shimoliy Koreya yadroviy qurollarni to‘liq yo‘q qilmasa ham, ularni ishlab chiqarishni muzlatib qo‘yish katta qadam bo‘lishini aytdi.
Prezidentning so‘zlariga ko‘ra, Shimoliy Koreya yiliga o‘nlab yangi yadroviy qurol ishlab chiqarmoqda. Shuning uchun vaqtinchalik muzlatish ham xavfsizlik uchun foydali va real yechim sifatida ko‘rilmoqda.
Li Je Myong iyun oyida prezidentlik lavozimini egallaganidan buyon qo‘shni davlat bilan keskinlikni kamaytirishga intilmoqda. U avvalgi prezidentning siyosati mintaqada ziddiyatlarni kuchaytirganini eslatdi.
Janubiy Koreya yetakchisi, shuningdek, AQSh va Yaponiya bilan yaqin hamkorlikni davom ettirishini aytdi. Biroq u Xitoy, Rossiya va Shimoliy Koreya yaqinlashayotganidan xavotir bildirdi.
“Zamin”ni Telegramʻda oʻqing!
