“O‘zgidromet” markazi 10-oktyabr, juma kuni O‘zbekiston bo‘ylab kutilgan ob-havo prognozi haqida ma’lumot berdi. Mamlakatning ko‘pchilik hududlarida havo sokin va nisbatan iliq bo‘lishi kutilmoqda, faqat sharqiy viloyatlarda qisqa muddatli yomg‘ir ehtimoli bor.
Toshkent shahrida osmon biroz bulutli va vaqti-vaqti bilan o‘zgaruvchan bo‘ladi, yog‘ingarchilik kutilmaydi. Shamol sharq yo‘nalishidan soniyasiga 3–8 metr tezlikda esishi mumkin. Harorat kechasi 10–12 daraja, kunduzi esa 24–26 daraja atrofida bo‘ladi.
Qoraqalpog‘iston Respublikasi va Xorazm viloyatida havo ochiq va tinch bo‘ladi. Shamol sharqdan 7–12 metr/sekund tezlikda esishi kutilmoqda, Ustyurtda esa bu ko‘rsatkich 13–18 metr/sekundgacha yetsa, ayrim hududlarda chang-to‘zon kuzatilishi mumkin. Harorat kechasi 3–8 daraja, kunduzi 22–27 daraja bo‘ladi.
Buxoro va Navoiy viloyatlarida osmon qisman bulutli, lekin yomg‘ir ehtimoli yo‘q. Shamol sharqdan 7–12 metr/sekund tezlikda esadi. Harorat kechasi 7–12 daraja, kunduzi esa 25–30 daraja gacha ko‘tariladi.
Toshkent, Sirdaryo, Jizzax va Samarqand viloyatlarida havo biroz bulutli, vaqt-vaqti bilan o‘zgaruvchan bo‘ladi. Yog‘ingarchilik kutilmaydi. Shamol sharqdan 7–12 metr/sekund tezlikda esadi. Harorat kechasi 8–13 daraja, kunduzi 23–28 daraja bo‘ladi.
Qashqadaryo va Surxondaryo viloyatlarida havo asosan quruq bo‘ladi. Shamol sharqdan 7–12 metr/sekund tezlikda esadi. Harorat kechasi 10–15 daraja, kunduzi 25–30 daraja bo‘lishi kutilmoqda.
Andijon, Namangan va Farg‘ona viloyatlarida osmon biroz bulutli bo‘ladi. Ayrim hududlarda qisqa muddatli, yengil yomg‘ir yog‘ishi mumkin. Shamol sharqdan soniyasiga 5–10 metr tezlikda esishi kutilmoqda. Harorat kechasi 9–14 daraja, kunduzi 22–27 daraja bo‘ladi.
Respublikaning tog‘li hududlarida havo nisbatan salqin va biroz bulutli bo‘ladi. Yog‘ingarchilik kutilmaydi. Shamol sharqdan 7–12 metr/sekund tezlikda esishi mumkin. Harorat kechasi 5–10 daraja, kunduzi 18–23 daraja bo‘lishi kutilmoqda.
“O‘zgidromet” ma’lumotiga ko‘ra, juma kuni mamlakatning asosiy qismida quyoshli va tinch ob-havo hukm suradi. Faqat sharqiy viloyatlarda qisqa vaqtli yomg‘ir kuzatilishi ehtimoli bor. Shuningdek, ayrim hududlarda shamol kuchayishi va changli havo kuzatilishi mumkin.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
