O‘zbekistonda ob-havo yana iliqlashmoqda. “O‘zgidromet”ning so‘nggi ma’lumotlariga ko‘ra, 22-oktyabr kuni mamlakatning ko‘p hududlarida havo harorati yana ko‘tariladi, yomg‘ir kutilmaydi.
Poytaxt Toshkentda osmon qisman bulutli bo‘lib, vaqti-vaqti bilan o‘zgaruvchan bo‘ladi. Shamol sharq tomondan 3–8 m/s tezlikda esishi kutilmoqda. Harorat kechasi 10–12 daraja, kunduzi esa 25–27 daraja iliq bo‘ladi.
Qoraqalpog‘iston va Xorazm viloyatlarida ham ob-havo barqaror bo‘ladi. Faqat ayrim hududlarda qisqa muddatli yomg‘ir ehtimoli bor. Shamol 7–12 m/s tezlikda esadi, harorat tungi paytda 3–8 daraja, kunduzi esa 20–25 daraja atrofida bo‘lishi kutilmoqda.
Buxoro va Navoiy viloyatlarida osmon biroz bulutli bo‘ladi, yog‘ingarchilik ehtimoli yo‘q. Shamol sharqdan 7–12 m/s tezlikda esadi. Harorat kechasi 8–13 daraja, kunduzi 25–30 daraja iliqlik bilan o‘tadi.
Shuningdek, Toshkent, Sirdaryo, Jizzax va Samarqand viloyatlarida ham quyoshli ob-havo hukm suradi. Yog‘ingarchilik kutilmaydi. Harorat kechasi 8–13 daraja, kunduzi esa 23–28 darajagacha ko‘tariladi.
Qashqadaryo va Surxondaryo viloyatlarida ham quyoshli va sokin ob-havo bo‘lishi taxmin qilinmoqda. Kechasi 9–14 daraja, kunduzi esa 25–30 darajagacha iliq bo‘ladi.
Shu bilan birga, Andijon, Namangan va Farg‘ona viloyatlarida ham osmon ochiq bo‘ladi. Yog‘ingarchilik kutilmaydi. Shamol 5–10 m/s tezlikda esadi. Harorat kechasi 7–12 daraja, kunduzi 23–28 daraja atrofida bo‘ladi.
Tog‘oldi va tog‘li hududlarda esa havo biroz o‘zgaruvchan bo‘lib, yog‘ingarchilik ehtimoli juda kam. Harorat tungi paytda 5–10 daraja, kunduzi esa 18–23 daraja atrofida bo‘ladi.
Mutasaddilarning ta’kidlashicha, hafta davomida harorat me’yoriy ko‘rsatkichdan 4–6 daraja yuqori bo‘lib, mamlakat bo‘ylab yomg‘irsiz va quyoshli kunlar davom etishi kutilmoqda.
Bu esa kuzning ilk sovuqlaridan oldingi oxirgi iliq hafta bo‘lishi ehtimolidan darak bermoqda.
“Zamin”ni Telegramʻda oʻqing!
