O'zbekistonda 2025/2026 yillar isitish mavsumi oldidan kam ta'minlangan oilalarni qo'llab-quvvatlash bo'yicha misli ko'rilmagan ijtimoiy dastur tasdiqlandi. Ushbu maqsadlar uchun Davlat byudjetidan 1,2 trillion so'm ajratilishi rejalashtirilgan.
Mamlakat bo'ylab 1,1 million oila bir martalik moddiy yordam sifatida 1 million so'mdan mablag' oladi. Milliy ijtimoiy himoya agentligi matbuot xizmatining ma'lumotlariga ko'ra, o'tgan yilga nisbatan yordam miqdori 2,5 baravar oshirildi.
O'tgan yilda 120 ming oilaga 270 ming so'mdan yordam ko'rsatilgan edi. Joriy yilda respublika bo'ylab 1,1 million oila isitish mavsumida 1 million so'mdan moddiy yordam oladi.
Shundan 822 ming oila ijtimoiy reyestrga kiritilgan bo'lib, yana 290 mingdan ortiq oila "Mahallaning yettiligi" tizimi orqali aniqlangan. Qo'shimcha ro'yxatga kiritilgan oilalar quyidagi toifalarga tegishli: - nogironligi bo'lgan shaxs yashaydigan oilalar – 76,3 ming; - faqat pensiya hisobidan kun kechirayotgan oilalar – 69,7 ming; - boquvchisi mehnat migratsiyasida bo'lgan oilalar – 34,7 ming; - boquvchisini yo'qotgan oilalar – 33,8 ming; - og'ir kasalligi bor shaxs yashaydigan oilalar – 23,7 ming; - yakka yashovchi keksa odamlar – 7 ming; - gaz tarmog'iga ulanmagan oilalar – 2 ming; - bir uydagi oila soni uchdan oshgan oilalar – 26,2 ming; - vaqtincha ishsizlar – 15,1 ming; - yolg'iz yashovchi shaxslar – 2,3 ming.
Eng ko'p qo'shimcha yordam nogironligi bo'lgan shaxslarni tarbiyalayotgan oilalar va pensionerlarga yo'naltiriladi. Davlat rahbari tomonidan tasdiqlangan ushbu keng qamrovli qo'llab-quvvatlash dasturi sovuq mavsumda kam ta'minlangan fuqarolarning moliyaviy yukini yengillashtirish va ularga munosib turmush sharoitlarini ta'minlashga qaratilgan.
