8 272
O‘zbekistonda xorijga chiqish uchun ruxsatnoma (stiker) bekor qilinishi kutilmoqda
O‘zbekistonda pasport-viza, xorijga chiqish va kirish tizimini takomillashtirish rejalashtirilmoqda. Bu ayni paytda muhokama qilinayotgan Prezidentning mamlakatni 2017-2021 yillarda rivojlantirish bo‘yicha harakatlar Strategiyasi to‘g‘risidagi farmoni loyihasida belgilab qo‘yilgan. Taxminlarga ko‘ra, tegishli organlar bu masala bo‘yicha takliflarni joriy yilning uchinchi choragida tayyorlashadi.
Loyihada ichki va xorijga chiqish pasportlarini berish tartibini joriy qilgan holda xorijga chiqish uchun ruxsatnoma (stiker) rasmiylashtirish tartibini bekor qilish ko‘zda tutilgan. Bundan tashqari, alohida asoslar bo‘yicha xorijga chiqish huquqini sud tomonidan cheklash tartibi ham kiritiladi, deb yozmoqda Kun.uz sayti.
Hujjatda ma’lumotlarni qayta ishlash bo‘yicha zamonaviy axborot-kommunikasiya texnologiyalarini, chegara nazorati organlariga yo‘lovchilar xaqida dastlabki ma’lumotlarni taqdim etish amaliyotini, avtomatlashtirilgan pasport nazorati kabinasini, chegarani kesib o‘tayotganlarni qidiruvda bo‘lgan shaxslar fotobazasi bilan solishtirish tizimini joriy etgan holda aeroport va temir yo‘l vokzallarida pasport nazorati tizimini soddalashtirish rejalashtirilgan.
Bundan tashqari, jismoniy shaxslar uchun bojxona hududiga kirib kelish va uni tark etish bo‘yicha “yashil” va “qizil” yo‘lak tizimini amaliyotga tadbiq etish ham ko‘zda tutilgan.
Ta’kidlanishicha, mazkur choralarni amalga oshirish xorijga chiquvchi fuqarolarga qulay shart-sharoitlar yaratish, ularning huquq va erkinliklari kafolatlarini mustahkamlash, chegara nazorati organlari faoliyatini takomillashtirish va samaradorligini oshirish, shuningdek turizm sohasini rivojlantirishga xizmat qiladi.
Ma’lumot uchun, O‘zbekiston Respublikasini yanada rivojlantirish bo‘yicha harakatlar Strategiyasi to‘g‘risidagi farmon loyihasi muhokamasida barcha istovchilar qatnashishi mumkin. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Putin Ukrainadagi obyektga ballistik raketa zarbasi berilganini e’lon qildi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
