O‘zbekiston Respublikasi Prezidenti Administratsiyasi rahbari Saida Mirziyoyeva Qoraqalpog‘iston Respublikasiga amaliy tashrif amalga oshirib, hududda yaqinda faoliyatini boshlagan bir qator sanoat korxonalarini o‘rgandi. U tashrif chog‘ida ko‘rgan ishlanmalar, amaliy natijalar va kelgusidagi imkoniyatlar haqida batafsil fikr bildirdi.
Uning aytishicha, Qoraqalpog‘istonda sanoat tarmoqlarini kengaytirish va zamonaviy ishlab chiqarishni rivojlantirish bo‘yicha muhim qadamlar tashlanmoqda. Yangi obyektlar nafaqat mamlakat sanoat salohiyatini mustahkamlaydi, balki hududning iqtisodiy yuksalishiga ham kuchli turtki beradi.
Mirziyoyeva bazaltdan issiqlik saqlovchi mineral plitalar tayyorlaydigan “Karakalpak BasaltWool” MCHJ faoliyati bilan yaqindan tanishib, korxona mutaxassislari bilan atroflicha suhbat o‘tkazdi. Uning ta’kidlashicha, mahalliy xomashyo va materiallardan samarali foydalanish orqali ishlab chiqarishni lokallashtirish darajasi 80 foizga yetgani e’tiborga loyiq ko‘rsatkichdir.
Ushbu loyiha hudud uchun bir necha muhim yo‘nalishda ijobiy o‘zgarishlarni olib keladi: eksport imkoniyatlarining o‘sishi, yangi ish o‘rinlarining yaratilishi, aholining bandlik darajasining oshishi va ijtimoiy-iqtisodiy barqarorlikka hissa qo‘shish.
Saida Mirziyoyeva tashrifdan olgan taassurotlari bilan o‘rtoqlashar ekan, Qoraqalpog‘istonda amalga oshirilayotgan bunday yirik loyihalar butun respublika sanoatining strategik rivojiga xizmat qilishiga ishonch bildirdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
