O‘zbekistonda Qishloq xo‘jaligi sohasi xodimlari kuniga bag‘ishlangan asosiy tadbirni prezident Shavkat Mirziyoyev dehqonlar, fermerlar va qishloq mehnatkashlari bilan bevosita muloqotdan boshladi. Uchrashuv o‘ta ko‘tarinki ruhda kechib, shahar va qishloqda rizq topib, yurt dasturxonini to‘ldirayotgan minglab soha vakillarining mehnati alohida e’tirof etildi.
Davlat rahbari so‘zini qut-baraka yaratib, el ehtiyoji uchun butun yil davomida mehnat qilayotgan barcha bog‘bonlar, chorvadorlar, suvchilar, agronomlar va mexanizatorlarga samimiy hurmatini izhor etishdan boshladi.
«Sizlarning mehnatingiz faqat qishloq xo‘jaligini emas, balki iqtisodiyotni ko‘tarish, xalq turmushini yaxshilash va oziq-ovqat xavfsizligini ta’minlashda beqiyos ahamiyatga ega. Bu xizmatlaringiz qancha ta’rifga loyiq bo‘lsa, shuncha tahsinga arziydi», deya ta’kidladi prezident.
Uchrashuv davomida shu yil mamlakatimizning qishloq xo‘jaligi sektori uchun o‘ta samarali va natijador bo‘lgani aytib o‘tildi. Aholining 3,5 milliondan ziyod vakili faoliyat yuritayotgan mazkur tarmoqda katta marralar zabt etilgani, fermer xo‘jaliklari va agrar sohada amalga oshirilgan islohotlar o‘z samarasini bergani qayd etildi.
Dehqon va fermerlarning kun-u-tuni mehnat bilan band ekani, ularning bag‘rikengligi, irodasi va ishga sadoqati tufayli mamlakatda oziq-ovqat barqarorligi ta’minlanayotgani yana bir bor e’tirof etildi. Prezident soha vakillariga minnatdorchilik bildirib, keyingi yillarda ham ularni qo‘llab-quvvatlash siyosati izchil davom etishini ta’kidladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
