Boshi berk ko‘cha yoxud javobi yo‘q savollar

— Nima uchun dollarfurushlar ham, obnalchi (plastik kartochkangizdagi pulni ma’lum haq evaziga naqdlashtirib beruvchi)lar ham bozorda?

— Chunki bozordan 10 metr tashqariga chiqsa, departament (Bosh prokuratura huzuridagi SVOJJDLQK departamenti organlari nazarda tutilmoqda — «tafsilot.uz») xodimlari yoki soliqchilar ushlab ketadi.

— Bozorning ichida nimaga ushlamaydi?

— Chunki soliqchilar va departament xodimlari faqat dehqon bozorini tekshirishga haqi bor.

— Buyum bozorlarini-chi?

— Buyum bozorlarini «Bozorlar bo‘limi» (Davlat soliq qo‘mitasining Bozorlar va savdo komplekslari faoliyatini nazorat qilish bosh boshqarmasining tuman (shahar)lardagi bo‘limlari nazarda tutilmoqda — «tafsilot.uz») nazorat qiladi.

— «Bozorlar bo‘limi» qaerga bo‘ysunadi?

— Davlat soliq qo‘mitasiga.

— Hududiy soliq idoralariga-chi?

— Ularga bo‘ysunmaydi.

— Bozorda ochiqdan-ochiq oldiga 4 ta terminalni qo‘yib olib, plastikdagi pullarni bemalol foiz evaziga naqdlashtirayotgan «tadbirkor»ni soliqchi yoki departament xodimi jinoyat ustida ushlasa-chi?

— Ushlashga haqqi yo‘q.

— Unda nimaga biz soliqchini quvib yuribmiz, inkassasiya qildir deb?

— ???

Tohir Yoqubov “Zamin”ni Telegramʻda oʻqing!