O‘zbekistonda faoliyat yuritayotgan Xitoy fuqarolari tomonidan sodir etilgan betartib harakatlarga huquqiy baho berildi. Ijtimoiy tarmoqlarda keng muhokamalarga sabab bo‘lgan videolavhada xorijliklar o‘zbek so‘mini yoqib, undan tamaki tutatish uchun foydalangani aks etgan edi.
Mazkur holat yuzasidan olib borilgan surishtiruv ishlari natijasida, qonunbuzarlar o‘z qilmishlari uchun xalq oldida uzr so‘rashga majbur qilindi. Ammo ish faqat ma’naviy jazo bilan cheklanib qolmadi.
Milliy ramzimiz bo‘lgan milliy valyutaga nisbatan hurmatsizlik qilgan har bir ishchiga nisbatan keskin moliyaviy jazo chorasi qo‘llanildi:
Jarima miqdori: BHMning 100 baravari;
Summada: Har bir huquqbuzar 41 million so‘mdan to‘laydigan bo‘ldi.
Ushbu vaziyat O‘zbekiston hududida mehmon bo‘lib turgan har qanday shaxs uchun mamlakat qonunlari va milliy qadriyatlarini hurmat qilish shart ekanligini yana bir bor eslatdi. Yurtimizda qonun ustuvorligi va jazoning muqarrarligi ta’minlandi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
