Farg‘ona viloyatida sud boshqaruvchisining yordamchisi pora bilan bog‘liq holatda qo‘lga olindi. Bu haqda Davlat xavfsizlik xizmati ma’lum qildi. Bu haqda podrobno.uz xabar beradi.
Qayd etilishicha, voqea Beshariq tumanida sodir bo‘lgan. Yordamchi faoliyati vaqtincha to‘xtatilgan, mineral o‘g‘itlarni ulgurji sotish bilan shug‘ullanuvchi ishlab chiqarish kooperativiga biriktirilgan.
Tergov ma’lumotiga ko‘ra, u 1,502 milliard so‘mlik umumiy qarzdorlikdan 300 million so‘mini undirib berishda “ko‘maklashish” evaziga 4 ming dollar talab qilgan. Ushbu mablag‘ mineral o‘g‘it ishlab chiqarishga ixtisoslashgan MChJdan kooperativ foydasiga undirilishi kerak bo‘lgan.
DXH xodimlari Iqtisodiy jinoyatlarga qarshi kurashish departamenti bilan hamkorlikda o‘tkazgan tezkor tadbirda gumonlanuvchi 48 million so‘mni olayotgan paytda ashyoviy dalillar bilan ushlangan. Pul mablag‘lari daliliy ashyo sifatida rasmiylashtirildi.
Holat yuzasidan Jinoyat kodeksining 168-moddasi 3-qismi “v” bandi (firibgarlik) bilan jinoyat ishi qo‘zg‘atildi. Hozirda tergov harakatlari davom etmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
