
Yangi yil bayrami munosabati bilan Toshkent metropoliteni ish tartibiga vaqtinchalik o‘zgartirishlar kiritildi. Maqsad — poytaxt aholisi va mehmonlari uchun yanada qulay sharoit yaratish. Bu haqda podrobno.uz xabar beradi.
“Toshkent metropoliteni” DUK ma’lumotiga ko‘ra, 31 dekabr kuni soat 05:00 dan 1 yanvar kuni 01:00 gacha poyezdlar uzluksiz qatnaydi. Bu yo‘lovchilarning erkin va xavfsiz harakatlanishini ta’minlash uchun yo‘lga qo‘yilmoqda.
Qo‘shimcha dam olish kunlari davrida harakat jadvali ham moslashtiriladi: 2025 yil 31 dekabr hamda 2026 yil 2 yanvar kunlari poyezdlar shanba jadvali bo‘yicha yuradi. 2026 yil 1 yanvarda esa metro yakshanba jadvaliga asosan ishlaydi.
Shuningdek, 5 yanvar, dushanba kuni barcha uchun ish kuni ekani qayd etildi — metro o‘sha kuni odatdagi ish kunlari jadvali bo‘yicha xizmat ko‘rsatadi. Metropoliten ma’muriyati yo‘lovchilardan jadvaldagi o‘zgarishlarni inobatga olib, safarlarini oldindan rejalashtirishni so‘radi.
“Zamin”ni Telegramʻda oʻqing!Mehmon guruhidagi foydalanuvchilar ushbu nashrga izoh qoldira olmaydi.