O‘zgidromet ertaga, 24 fevral kuni uchun mamlakat bo‘ylab ob-havo ma’lumotlarini e’lon qildi.
Ma’lumotlarga ko‘ra, Toshkent shahrida havo o‘zgaruvchan bo‘ladi. Kunning ikkinchi yarmida qisqa muddatli yomg‘ir yog‘ishi ehtimoli bor. Harorat kechasi 4–9 daraja iliq, kunduzi 14–16 daraja iliq bo‘ladi.
Qoraqalpog‘iston Respublikasi hamda Xorazm viloyatida havo o‘zgaruvchan bo‘lib, ayrim hududlarda yog‘ingarchilik (yomg‘ir va qor) kuzatiladi. Harorat kechasi 3 daraja sovuqdan 2 daraja iliqqa qadar, kunduzi esa 2–7 daraja iliq atrofida bo‘ladi.
Buxoro viloyati va Navoiy viloyatida ham havo o‘zgaruvchan bo‘ladi, ba’zi hududlarda yomg‘ir yog‘ishi mumkin. Harorat kechasi 3–8 daraja iliq, kunduzi 13–18 daraja iliq bo‘ladi.
Toshkent viloyati, Sirdaryo viloyati, Jizzax viloyati va Samarqand viloyatida osmon o‘zgaruvchan bo‘ladi, asosan yog‘ingarchilik kutilmaydi. Faqat Toshkent viloyatining ayrim joylarida yomg‘ir yog‘ishi mumkin. Harorat kechasi 3–8 daraja iliq, kunduzi 13–18 daraja iliq bo‘ladi.
Qashqadaryo viloyati va Surxondaryo viloyatida havo o‘zgaruvchan bo‘ladi, yog‘ingarchilik prognoz qilinmaydi. Harorat kechasi 5–10 daraja iliq, kunduzi 18–23 daraja iliq bo‘lishi kutilmoqda.
Andijon viloyati, Namangan viloyati va Farg‘ona viloyatida ham havo o‘zgaruvchan bo‘lib, yog‘ingarchilik kutilmaydi. Ayrim hududlarga tuman tushishi mumkin. Harorat kechasi 3–8 daraja iliq, kunduzi 13–18 daraja iliq bo‘ladi.
Respublikaning tog‘li hududlarida havo o‘zgaruvchan bo‘lib, vaqt-vaqti bilan yog‘ingarchilik (yomg‘ir va qor) kuzatiladi. Ayrim joylarda tuman tushishi mumkin. Harorat kechasi 0–5 daraja sovuq, kunduzi esa 3–8 daraja iliq bo‘lishi prognoz qilinmoqda.
“Zamin”ni Telegramʻda oʻqing!
